伯爵茶麵包 - 中種法 - Earl Grey Tea Bread

惡：咿依... 無晒麵包食喇喎。

Kat：係呀... 咁我今晚係咪可以開工呀？

惡：你中意啦！不過... 你呢兩晚都無溫書喎!!!

Kat：..... ..... ..... 吖!咁做咩包好呢?

惡：波菜包！

（其實係未學做包包之前答應過佢學識左，就要做波菜包俾佢食...　奈何，到宜家都未做，無計，真係未諗到點做。）

今日係公司一路扮忙，一路諗點做，先諗起啲波菜仲係冰格...咁點做啫!  最後呢...我又諗起莊B俾左2包伯爵茶我，既然好大量卜友都話伯爵茶包包又軟又香，咁一於試試佢囉！

一共做左8個...其中有3個，包左古古力流心餡。

Well.... well...  大惡唔想食甜包喇... 佢想食咸包。　我就咸甜都無咩所謂，只要唔係無餡就好了。

80g中種加224g粉嘅主麵團，用左2包伯爵茶，搓包包時有淡淡嘅茶香。

流心朱古力其實好易包，但唔好包太大舊，會漏到嘔架！

大惡評語：Hm... 99分啦! 茶味再濃啲都仲得，有朱古力嘅都幾好味喎！但朱古力味重過茶味。

Ｋat評語：Well...  食得出有茶味, 係淡淡嘅茶味。朱古力原來同伯爵茶味都幾襯吖！不過口感都係食到有茶渣，粗左啲啲。

結論... 值得一試！