我冇心架...順口啫

唉!今日又係好忙既一日

可能你會問我,點解咁忙仲要打blog呀

要知道,除左打blog之外就冇其他藉口比我休息一下啦

*I NEED MORE TIME*

 

今日係請假之後第一日番番學

個個周X年真係好煩,(唔講全名)

狂係度問我有冇睇麥X個廣告(X=唔識寫)

真係好煩... ...

*再挑戰我,聽日番唔倒學個個係,你*

 

今日既堂都係度發夢

之前F.1成日係度話邊個老師唔好,邊個老師衰

但係最少上堂都悶極有限

衣家,都唔知道班新同學係乖同係全部訓曬

上堂好似死城咁... ...

最緊張刺激莫過於MATHS

基基SIR好人,衣點我唔否應

但係要聽得明佢講咩真係好辛苦

特別係MATHS有好多TERM

個個咩INDEX NOTATION

完全唔明佢講咩

咁就唯有睇例子去理解一下

睇完之後,次次都會[O ~]一聲     恍然大悟

但係下一次再遇倒差唔多既題目

你都係唔明點計... ...唉

最後我地MATHS奇才GINGER係後面自己開班授徒

點知唔收女仔

好彩有個[我又唔記得佢叫咩名]既人教

感動 感動

P.S.    TO藹怡:我覺得你一定要聽下...

*重男輕女既GINGER...*

#佢...好似叫...咩咩亮,

原諒我既記性唔好...#

 

放學總算係一個令人開心既時刻

但係唔代表我可以鬆一口氣

[唉!仲要番小學練習

不過相信會好好玩既!]我一直都期待緊

但係就係我汁書包個時就點都搵唔倒份稿

我尋晚明明提左自己好多次要帶架!!

最後都係冇帶... ...除左自責仲可以做D咩!?

答案:唯有沖番屋企攞

*點解我咁失敗架!!*

 

番到火車站搵埋呀YEN之後就一齊搭71A

係呀YEN上緊車個時

我習慣性咁望一望上層

(因為我勁鐘意坐上層最左上角個個位)

一望,雖然因為冇帶眼鏡既關係睇唔清楚個樣

但係清楚明白咁知道左,個個位有人坐緊

突然之間,個個我睇唔倒係邊個既人

係度向我揮手

望多陣又好似係用手指係窗度畫圈圈

仲要係度好HIGH咁傻笑

我望住衣個情境呆左

嗯!到我上車LA... ...

上車個時都係忍唔住鬧左一句[白痴!!]

*今日係咩日子  撞邪*

 

我對岩岩既事仲係印象深刻

上到上層就好不覺意咁望左望[個個人]

可惜,個N分之一秒既時間令我連佢係男定女都睇唔清楚

(不過味上車前睇佢個LOOK應該係男仔)

就同呀YEN去左最後面坐LA

而我就緊係同呀YEN分享岩岩既經歷

*衣排發生咩事= =*

 

岩岩係銀禧既TOLIET出黎就撞倒GABRIEL

之後就一齊向[七]樓既教員室進發LA... ...

佢一路行就一路係度話我

(一見面就比佢話= =)

佢話咩...同一架巴士呀....咩見倒扮唔識呀...咩揮手唔理佢呀...

米 米米 米住!!

同一架巴士.. ..見倒扮唔識.. ..揮手唔理佢???

* 唔通佢... -口-  ...白痴仔?*

 

上到去佢就係度發表

[頭先著住喇沙校服

係一架播住喇沙書院有人藏毒既新聞既火車上面

接受眾人既注目禮]事件既感受

嗯哼~個種感覺應該幾難忘

*你想我有咩意見?*

 

[你係度做咩呀!?]

某人兄用一副[你係白痴?]既眼光望住呀YEN

我沿住佢既目光望過去

呀YEN剪緊D稿出黎諗住貼落MC紙度

嗯哼~我唔認為佢有咩做錯喎

MISS # 都加把口埋黎問咩事

原來係佢自己做錯左= =

之後唔記得邊個老師入黎話佢高左

心入面浮現左一句:矮左就慘LO~~

點知係我諗倒既同時,個口已經不受控制咁講左出黎

之後佢就一直以衣件事黎[攻擊]我= =

有冇搞錯!!我又唔係有心串你!!順口啫... ...

之後又有好幾個老師入黎唔係話佢高左就係話佢大個左

唔係話佢大個左,就係話佢成熟左= =

極度無奈= =

嗯!都係個句:細個左就慘LO~~

*TO:某位比三位女性排斥,毫無風度既GENTLEMAN*

*GIVE ME A TEN*

 

走個時又係搭梁生既車

當然,好似以前咁:一樣係唔順路

仲記得之前,明明我同呀YEN行番屋企都唔洗10分鐘

但係就係貪玩要梁生車

衣家梁生竟然主動話車我地

唔通做校友地位真係高左!?

*由梁生串我個刻開始,我明白答案:絕對唔係!!*

 

唉!係時間做功課LA....認命LA...