SHEN ZHEN兩天一夜7人行

11/7/2009 - 12/7/2009 SHEN ZHEN兩天一夜

本身呢個日子我地5月個陣已經傾定話會出去玩下..
當時係想去我地最鐘意去既MACAU...
不過因為朋友突然唔可以請到星期一既假..所以我地就即刻改左北上啦..
起身都無諗過有咁多人去架...
連BABY都由東莞過黎JOIN我地...
同行更加有兩年前玩過一晚而識得既FELIX 同埋TONY...

第一站我地去左「華城」食海鮮!!!

真係要咁多個人一齊食先可以試到咁多碟菜..
其間我地係咁學電視講...每食一道菜都講..
「滔滔..呢個好有海鮮味..好甜..好鮮..好正呀..」哈哈...

埋單只係781蚊...哈..不過我地發揮香港人既特性..
話本身叫左象拔蚌係切條上.但係佢地黎左個個係片上..
所以我地係咁叫佢平D啦.....1把口點會夠我地7把口呢..
最終佢都肯做個折扣比我地...TOTAL收770蚊..
雖然係平得好少..不過好過無..哈哈..
呢D未就係香港人囉..

之後我地就去左搥骨啦..
個間野係春風路近新銀座廣場一帶..叫「香江明珠」
其實呢間唔係大骨場..不過入面既環境真係幾唔錯...
最impressed係竟然可以焗到桑拿同蒸氣浴...
同埋價錢係人民幣、港幣1對1...好抵玩...

岩岩沖完涼..準備去按腳lu....

呢度另外一個著數既對方就係係大堂可以嗌粉麵飯架..仲要唔收錢..
我同baby都嗌左一碟豉油皇炒麵同埋揚洲炒飯...
飲品..生果都有....真係好抵玩...

按完腳之後..我地等緊師傅上黎個陣係到影相...
個陣都差唔多點幾2點...

搥完都差唔多成5點先訓....哈哈...真係累過唔搥呀!!

第二朝我地又去食食食....去左新星飲茶...
個度一定要嗌「流沙包」..
因為佢真係流哂出黎架d汁...依家諗起都想食呀!!!

食完再去行下街、書城...
星期日真係好熱...而且東門都好多人..好辛苦..
所以大家都好累...

夜晚再去「面點王」到食野..
格局同我地香港既"麥記"差唔多...快餐既感覺..
無諗過d野係好好食..
最好食係羊串.....同小肥羊既羊串有d相似架..

哈哈...之前減個d...經過呢兩日..咩都返哂黎...
keep住減啦唯有...