今日綽謙十個月大喇!~
尋日帶o左佢去檢查...有8.1kg呀!!~好開心呀!!~
不枉我每日都咁俾心機整o野俾佢食呀!!!~^_*
之後見醫生....
見醫生前我o地好驚呀...
因為佢平時都唔係好肯俾我o地拖住佢兩隻手...
再加上佢超級眼訓呢...好驚佢唔肯合作....
之後醫生用玩具引佢...佢淨係肯拎一隻手出o黎玩..
之後我就提議不如用返綽謙自己o既玩具..
因為始終佢果喥d玩具唔係好衛生..
綽謙果d廂次玩之前我都消毒o左先o架..
同埋醫生果d玩具都唔好玩...哈哈...
之後醫生用綽謙自己個專用mickey電話引佢..
好彩...綽謙肯兩隻手都伸出o黎拎..
之後醫生觀察o左一陣...就話佢ok,唔使睇專科喇!~
終於都放下心頭大石喇!!!~
正如媽媽上個月所講..你真係無問題!!!~叻仔!!~^_*
十個月大o既綽謙....真係睇少眼都唔得喇...
因為屋企已經無一樣o野可以令佢好好咁坐o係喥喇...
我放佢落Bumbo chair喥..佢而家可以自己離開坐位喇...
我放佢落地墊喥玩...佢用三秒時間就爬o左去電視機面前..
同我將所有VCD都掃哂落地...
最慘o既係..我隻MJJ Concert DVD呀..>_<
我放佢落Fisher Price果張搖椅喥...
佢已經識得自己整開個安全帶扣喇.....
放佢落bb床...佢用兩秒時間就企o係身...
仲想意圖用床圍借力爬出o黎添呀....
所以我而家真係連廁所都唔敢去...
次次都要等佢小睡果陣先至去....
真係怕o左佢呀.....哈哈...
好驚佢又整親呀!!~呢隻豬仔真係好百厭呀!~
但係每次見到佢百厭一種新o野呢,我又會好開心..
因為覺得佢不停咁進步緊呀....叻叻!!!~
最近教識o左佢同人拍手...
每次我放兩隻手o係佢前面,再講:「Yeah!~」
佢就會學我咁伸兩隻手出o黎,之後一齊拍手...呵呵...好搞笑..
同埋佢成日都擰頭...
我成日問佢:「綽謙乖唔乖呀?」佢就會擰頭...
之後我叫佢「錫錫媽媽」,佢又會擰頭...
有d人o係街見到佢擰頭,都會忍唔住走埋o黎同綽謙玩...
仲有仲有...綽釙好鍾意轉腳仔....
即係好似人o黎做早操,將對腳板係咁轉,鬆o下筋果種呢...
次次佢做親呢,一定會有人留意佢o架...
成日都會聽到:「嘩!你睇o下,個bb不停o係喥轉腳好得意呀!」
哈哈....好搞笑....
綽謙而家都仲係勁痴我同老公...
每次我見佢喊我就會問佢:「要唔要媽媽抱抱呀?」
之後佢就會舉高兩隻手,示意要我抱佢...hehe!~
其實我平時真係好少抱佢...
我只會用揹帶果陣,或者見到佢喊先抱佢...
因為綽謙唔係乜都喊一餐o既bb...
佢只會真係好不安/好唔舒服/好累先會喊...
所以每次佢一喊我都會抱佢哄返佢!~
最近綽謙不停扶住梳化向左行...向右行呀...
而家佢都仲係要用單手扶住企....
我諗好快佢就可以兩隻手都唔使扶喇....
綽謙...你真係大得好快...
快到媽媽都唔識點形容好...
可能係因為每個月都要去覆幾次診...
每次見完醫生返o黎就不停同你練習...
媽媽都無好好咁靜落o黎同你相處...
綽謙,媽媽真係相信,只要一齊努力,
你同其他小朋友一定可以過一樣o既生活!~
聽力已經fail左5次...今個月又要再去喇...
唔緊要,千祈唔好放棄呀!!!~
最近媽媽發現你唔想再做任何練習...
唔想再對任何聲音作出反應...
我諗你一定好累喇.....
最近發現你d衫仔大部份都唔o岩著喇...
不過好彩媽媽大肚果陣買定o左一歲o既衫衫..
所以o係突然轉冷o既天氣下,你都仲有合適o既衫衫著..
前兩日媽媽帶你去行街街買衫....
發現好多可愛o既款式都無你size....
感兜上好似話俾媽媽知,你已經大個仔..
唔應該再著果d可愛o既款式喇....
但係o係媽媽心目中,你仍然係果個o岩o岩出世...
成舊飯咁o既綽謙....^_*
下個星期爸爸放大假...我o地又可以四圍去玩喇!!~
下個月就可以一齊過我o地o既第一個聖誕節...
再之後呢...媽媽就可以同你慶祝生日喇!!!!~
唔知到時你識行未呢????
爸爸話過要等綽謙識行先至帶我o地去海洋公園同disneyland呀.
所以你要叻仔d,快d學識行呀!!!~hehe!~
至於兩隻貓貓...
媽媽會忍耐....
等你大少少先至接返佢o地返o黎一齊住...
媽媽知道而家仲未係時候...我會等....
綽謙...雖然媽媽覺得時間過得太快..
唔想你大得咁快...
但係我真係好期待將來可以同你手拖手咁出街呀..!!~^_*
collage20091119--001.jpg
collage20091118--004.jpg
collage20091118--003.jpg
lerabarone 2009-11-23 16:22
wfewe 2009-11-21 12:18
RO素 2009-11-19 07:55
坤爺 2009-11-06 12:44