政治晚餐@首爾

上星期去韓國公幹,一落機餓咗好幾個鐘就去到呢一間位於首爾嘅貴價傳統餐廳,雖然係一餐政治飯,不過咁餓嘅情況下,有咩都會覺得好食架啦,可惜並唔係想像中一樣........

咪睇佢包得咁靚,一咬入去係酸嘅泡菜,一食即時連毛管都豎起晒!

坐喺房入面可以欣賞到韓國歌舞,唔少嘢架呢一餐.....

呢碗係粥黎架,唔算太好食,不過都好過無......

呢一碗係我成個旅程中最恐懼嘅一個菜式,佢叫水泡菜,味道十足十Q頭水,我一生中最憎就係食酸嘢,Help Help Help.....仲要比個韓國chairman叫我飲咗佢,佢話好famous!真慘.......

野菜真係好野菜,仲有d類似醋嘅汁.....死啦...又係酸嘅........

唯有飲杯汽水沖吓個口,點知熱情嘅韓國人個個攞支酒過黎,同我干杯,飲到死死吓.....

魚生個樣唔太吸引,不過總好過之前果d酸嘢,有理無理食咗先算,難得有一道菜食得!

恐怖事件又再出現,以為個樣幾好,點知係雪梨加酸水同泡菜,仲要係凍嘅........

呢條白色嘅係類似糯米加酸菜,仲有幾多味呢d架........

剪餅都算食得吓架啦,不過唔係熱嘅,又有d油......no good....

飲番個紫菜湯先,但係唔知點解d紫菜好似鼻涕咁,好杰喎老細.......

呢碟係成晚叫做最好食嘅,可惜都係好韌．．．．．

煙薰魚同咸魚分別唔大．．．．．．

呢個鮑魚亦算係好食嘅一道菜式．．．．

蒜頭放入八爪魚，真係唔係人人食得到架！

荷葉紅豆飯：完全係無味之作．．．．

最後食埋生果，終於食完呢餐咁惡哽嘅政治飯!!