翠玉瓜釣魚粥

今日又係我同Jayjay二人世界, 見天口慶就煲瓜瓜粥, 感覺上消暑啲~

同平時一樣, 假期只有我湊Jayjay嘅時候, 朝早佢都會同我玩一陣, 到差唔多10點零11點先take nap (平時嫲嫲湊會限定佢9點零就瞓覺), 呢一覺通常瞓一個鐘至個半鐘度, 所以都會過咗少少時間食lunch, 不過唔緊要啦, 難得放假梗係想同阿仔玩下啦~

但今日食完糊仔之後, 係都唔肯take afternoon nap, 一般呢一覺會係最長, 兩個鐘度, 但陪佢玩到攰諗住佢會瞓, 點知打晒呵欠都唔肯瞓, 明明個樣真係好眼瞓架啦, 係都唔肯, 好啦, 就陪你玩到沖涼食下晝餐粥仔.......

唔肯瞓晏覺嘅後果.......

嘩哈哈........以前(其實宜家都會)餵奶至會一路食一路瞓, 食solid就真係未試過......4個鐘頭無瞓過係會咁架........wakakakakaka~

見佢食到瞓著, 好好笑, 我咪笑出聲囉, 點知佢醒咗, 自己又喺度笑, 我9秒9跑入房攞相機, 呢啲咁好笑嘅場面梗係要同pa pa分享啦~

pa pa放工返嚟, 即刻比佢睇, 佢仲指住Jayjay喺度笑佢, 點知個傻豬比爹哋笑就趴喺我度喊, 好可憐咁.......哎呀......比人笑下啫, 唔使喊呀, 傻豬豬~  媽媽錫返~ (呢一part太突然, capture唔到)