First class @ Tutor Time

兩個月前Tutor Time打嚟話1歲班有位比Jayden, 所以我同佢報咗名, 諗住同佢玩下另一個playgroup.

宜家上緊My Muskibox, 因為圍繞音樂, Jayden好鍾意, 至於呢個, 都係唱下歌仔, 玩下遊戲, 聽下故事咁, 想比佢喺唔同環境試下......

出發上堂喇~ 今日氣溫突降, 朝早20度都無, 要著返多件衫先~

呢個playgroup分開兩parts: 第一個45分鐘以普通話上; 第二個45分鐘以英文上~ 唔知係朝早未warm up定用普通話上, Jayden有啲呆~ 唱完歌仔玩下artwork, 之後去隔離playroom玩, 個個小朋友一入到去識自己搵嘢玩, Jayden就要視察下環境先, 都係揀架車嚟推~ 我就同佢去坐個swing, 佢笑到騎騎聲~

中間個break係snack time, 食之前個個排隊去洗手, Jayden想打尖囉!!!!

今日係食macaroni with ham~ Jayden一有嘢食, 好合作咁坐定定, 食咗成半碗 (但未敢比ham佢食)~ 呢度會教埋manner, 食完嘢會叫小朋友擺返啲碗/杯去個箱度, 至於比較細個小朋友, miss會示範點樣做, 同啲碗/杯講byebye, 所以我希望上多幾堂, 佢會知道係咩一回事~

然後到下半part以英文上堂, 可能我喺屋企同Jayden都用英文講下嘢, 同埋唱歌仔都係英文, 所以佢呢part開始活躍好多, 起碼播歌仔時佢自己會企起身, 搖下雙手咁~ 跟住就會玩下貼嘢, 畫下嘢咁, 都幾多嘢比佢試~

到最後唱goodbye song, 每個小朋友都排住隊同miss嚟個goodbye hug, 我好surprise Jayden會自己企起身, 跟住出去排喺個小朋友後面, 真係同個miss嚟個hug~ 見佢排住隊嗰刻, 我突然覺得佢好似知道咩事咁, 好開心~ 同埋好快佢就會返學, 心情有啲複雜添~~

入面唔比影相, 所以無得圖文並戊, 不過真係好想記底佢呢個同返學有啲相似嘅playgroup~ 雖然佢好似唔係好知發生咩事, 但以第一次上堂計, 我覺得佢表現算幾好架喇~ 媽媽比個叻您!!!