生日week Part III (Darlings篇)

正日當然同兩位李生一齊過啦, 無特別活動, 只係一家三口開開心心咁出街食餐飯, 仲要食到好似好趕咁, 因為阿仔唔會好老黎咁坐好耐, 所以我哋拿拿聲食完就走~

今晚我揀咗Applegreen, 當我早幾日同papa講話食呢間, 佢問我係咪我想食嘅嘢先(你都知我成日就你呢!?!?)........唉........不過........乜我有得揀咩? 牛羊蝦蟹生冷嘢唔食得, 又要帶住Jayden, 即係out steakhouse, out seafood, out Japanese, out romantic restaurant, 咁.......我仲可以揀咩呢??!!?!?!

聽講呢間都幾好食, 又有我miss咗好耐嘅guacamole, quesedillas, 仲有李生喜歡嘅potato skin, 所以就決定食呢度啦~

一星期前就已經訂咗位, 未夠7pm我哋就已經到咗, 一坐底就決定好食乜, 今日我話晒事, 乜都想試, 所以.........叫得太.......多~

嘢食都okay既, 但就真係多得滯, 食唔晒要take away, 最失敗係李生個hawaiian rib-eye, 佢話taste like terriyaki CHICKEN!?!?!?!?! 我聽到忍唔住笑......以為自己聽錯......我唔食得牛, 所以無試唔知, 但呢個形容詞好攪嘢! 不過個燒菠蘿就好得!

至於禮物........呵呵呵呵, 李生認咗頭, 我order緊, 多謝晒!!!!!! (不過我都同您慳咗唔少啦~)

今次又無影全家福添~ 出年就變一家四口lu!