字母粉

Jayden食咗粥仔都3個月, 踏入9個月嘅bb可以試下唔同嘅澱粉質, 根據醫生嘅指引, 除咗粥仔, 呢個時期嘅bb可以試下粉麵, 清/濃湯, 肉類可以試下雞/牛/魚.....等等, 所以我上個星期已經準備定一包abc粉, 專係比bb食, 因為啲粉特別細粒容易食

其實字母粉就好似通心粉咁, 但就非常細粒, 而且粒粒都係唔同嘅英文字母, 都幾得意! 我見好多媽咪都用芝士溶落啲粉度做macaroni and cheese, 但Jayden第一次食就梗係唔可以試咁多新嘢啦, 所以我用番啲穩陣材料, 先用節瓜瘦肉整咗個湯底, 然後煮埋啲粉放湯連節瓜一齊食, 但佢唔食嗰啲煮得耐嘅瘦肉, 要另外喺食之前再新鮮煮過啲肉碎, 好在我一早做定功課, 知道有啲bb唔食嚡肉, 我特登叫賓賓買定水展比佢食, 聽其他媽咪講水展仲淋過柳梅, 食到佢lam lam脷~  K.O.咗一碗半!!!

佢個口入面嗰啲都未吞, 就係咁嘈要我繼續餵, 都無留意個口入面仲有, 再食.....咳~咳~咳~......差啲哽親! 要同佢講, "你吞咗口入面嗰啲媽媽先再餵架喎........" 佢又好似真係識聽咁, 喺我面前係咁o趙, 好鬼得意!

食咗兩日無過敏反應, 可以再試其他嘢!