無聊的一天

我發覺原來我嘅生活除咗工作之外其餘嘅時間真係唔知做乜好...
今日係拜六唔駛返工,我尋晚online到早晨6點幾先瞓,
平時嘅我喺拜六多數都係瞓到晏晝5點幾6點先捨得起身,
但係今日我竟然奇跡地瞓到2點就起身。
起身刷牙洗臉,然後再洗衫,
搞掂晒之後就繼續上網直6點。
由於我老竇返咗鄉下休息幾個禮拜,
所以我呢幾個禮拜都唔駛出去幫手,
可以趁機抖返幾個禮拜。
由於上網太耐冇嘢做,所以就落樓睇下電視,
但係通常週末都冇乜戲睇,
所以喺無無聊聊之中就走咗去屋企附近睇廖碧兒&林保怡。
(咁啱佢哋今日嚟做宣傳)
雖然現場一開始有落幾滴細雨,但係仍然熱到爆!!
我已經好耐冇睇明星睇到流晒大汗啦~~
睇完之後就去打包晚餐返屋企邊食邊睇電視。
睇到極無聊~~又走去燙衫,燙完終於都去沖涼。
沖完之後又繼續上網...真係好無聊~~
如果平時我冇返工,冇出去幫老竇做工嘅話,
我諗我嘅生活真係會悶死~!!!
我除咗會對住部電腦同埋電視之外,其餘時間都冇唔知可以做咩...
相信呢幾個禮拜都要過埋啲咁悶嘅日子啦...救命~~
好悶啊~~~!!!!!!