See U in CU

今天星期六，是中大時的好姊妹麗英結婚之日，新郎是她在美國結識的弟兄。我學完彈琴就去中大崇基Staff Canteen找他們拍照：

今天剛剛是中大的”新亞校友日”，我同阿RELL就去看看。

在火車站的校巴中出發！

如果是ｎ年前畢業的校友如我，一上到車就會發現跟以前的校巴大不同：

上到ＮＡ（新亞）看了宿舍，又玩過攤位game, 取了小禮物，就去NA Canteen 吃午餐。裝修得好靚，又有顯示叫到咩Number, ｄ嘢食價廉物美，我吃個粟米班球飯才１６元，加３蚊有紅豆冰，好正。

食完飯，就同阿RELL行過MMW落本部, 經過 Shaw頂和百萬大道，走去百佳逛逛，再去Snack Bar. 阿RELL話要食檸檬批，我初時都唔記得是咩样呢：

阿RELL話以前的檸檬批好似好食ｄ．我就在笑，是不是食得多Tiramisu或者芝士cake呀？相比之下，檸檬批梗係無咁好食啦。不過，對於讀書時的我們，可以食到這样的TEA已是一種享受了。

食完嘢，我地走去ENGINE BUILD.　這是阿RELL讀書時日夜留連的地方，上課做功課，寫Program. 昔日的努力，令佢今日幫到好多人，雖然辛苦ｄ都值得啦。 我仲話，估唔到今時今日有几個同我最Friend的，都是讀Engine 出身，我識的 Engine人好可愛～

行過ＣＣ的小橋流水，見到藥園令我想起認樹的日子。我讀書時讀生物系，成日去認花草樹木，咁多年好多名都唔記得啦，也不想去記了，不過就練到可以分別類似的東西，見到一樣嘢可以較易看得出有咩特徵，好幫到我宜家做產品開發，經常都講解給同事和客戶知。總算無白費昔日的努力。

由ＣＣ行返火車站，一路行一路講往事。我問：假如可以重新再選擇，你會讀邊科呢？假如你可以控制，你想邊年入學呢？假如有得揀，你會想大學讀三年定四年呢？假如自己可以決定，你還會入中大讀書嗎？哈哈，好多的”假如”。我在大學沒有讀過一個商業科目，出來工作卻去了商業机構又進修了工商管理，又做了Sales & Marketing. 相比起同年的生物系同學，他們好多讀完Degree再讀Master 和Doctor,我話自己都算讀得書少。阿RELL笑住話，你不是讀得書少，是轉咗讀第二ｄ啫。哈哈，我都認為神的安排是最美好的，如果由我自己決定，自己可能都唔知咩嘢最合適自己呢。

好多年無返CU了，中大地大，也沒有迷路。在CU中，見到一個一個曾經熟悉的YOU, 也見到一個一個不認識的YOUTH. 最近有人年二十三可以扮中三，我話阿RELL你都可以扮大學生喎，佢話不用扮都似啦。哈哈，大學是個OPEN的地方，我們常存OPEN MIND,   時常都學新嘢，心境就似大學生啦