變種侵略 Pandorum

星期六睇左一套宣傳好差既戲，佢既poster唔知係d乜，而且trailer都好差.....但偏偏套戲又好睇架喎！最初我仲以為又係外星生物入侵太空船，但原來又唔係咁簡單架喎！

話說係217x年既時候，地球已經有太多太多既人口，造成各地既人爭奪資源，所以就搵d其他星球黎星際移民喇(其實而家都搵緊啦！唔要月球要火星丫嘛！)，咁戲入面果個岩既星球叫做"桃源星"，主角果隻太空船就載住好多地球人要移民去果到，時間係1xx年，但開始左無幾耐架太空船就收到個訊息話地球毀滅左，成個消失左。

咁男主角係一個軍人啦，佢又係一個工程師喎！咁話說佢一開始時係訓緊教既，但醒返果時連自己姓乜都唔記得，係因為訓得太耐！佢地因為要適應長時間既航行，所以佢地要進行"深睡"，即係一訓要訓幾年，然後一兩年都唔訓，再跟住又訓幾年咁。男主角叫Bower，係一個下士。佢醒左一陣，同佢同一隊既中尉都醒左，跟住知道太空船壞左，連第一個門都唔郁得，又只可以手動開到好有限既設備，所以Bower就要搵出路去反應爐到整返好佢，咁架太空船先可以郁得返。Bower出到去就覺得好似唔係太妥，因為有d"野"，行得好快，會發出藍光，又食"肉"既，因為Bower唔記得d事，所以佢只可以避開d"野"啦！點知突然跳出一個好暴力又識英文既女人喎！佢係咁打Bower，但又係救佢架喎！咁後來佢走左，跟住佢來又出現左一個好好打但唔識英文既男人，佢係好人黎既，佢保護Bower，但佢講乜就一句都聽唔明，連字幕都無....到佢死都唔知佢up乜。

叉開少少提外話，有一個病叫"空妄症"，係一d搭左好耐太空船既人先會有既病，最初會覺得好凍同覺得好痕，跟住會見到幻覺，最後會精神錯亂同發狂。有呢個病既人只會越來越嚴重，而且係無任何藥可以醫治到。戲既歷史有記載到有一個人係太空船到患上空妄症，佢幻想佢坐既太空船鬧鬼，所以緊急彈射左幾千個深睡緊既人出太空，跟住果幾千人就咁就死晒。

搞到最後，同Bower同隊個中尉果邊多左一個人，果個人好似有空妄症咁，打自己打到流晒血，又話架太空船已經壞左，要求中尉幫佢緊急彈射。我覺得呢part唔錯，令我唔知究竟係果個人有空妄症定係個中尉有空妄症。因為果個人既行為有神化，而中尉又有空妄症既徵狀。最後，原來果個人同中尉係同一個人，係佢既病太嚴重，幻想左另一個人出黎同佢一齊。

個故事既事實係，中尉係最初收到消息地球毀滅既果3個當值軍人入面既其中1個，佢地收到消息之後就開始發狂，然後互斬，斬到最後中尉死唔去，佢發癲將幾千人緊急彈射出太空，然後無被彈射果d死剩種就俾令佢地深睡既某d氣體感染，跟住開始變種，繁殖左之後就變成係太空船入面襲擊Bower既果d"野"喇。後來中尉玩到厭左，就令自己變返深睡狀態，跟住就同Bower一齊醒。Bower最後知道原來中尉先係果個痴線佬，跟住就返去佢岩岩醒果時既果個控制室到，搵返個中尉。Bower睇返個航行日誌，發現原來佢地一早就已經著陸左桃源星。當Bower打開個機倉頂，佢地係海底！！佢地架太空船到左桃源星就降落左係海底到....咁最後就係打左一陣跟住Bower同個暴力女人就一齊成功地好安全咁緊急彈射出海面....

<<完>>   哈！