結構性問題

一直以黎我既身體狀況都係比悲劇主角好，但比健康正常既一般人差少少。我對細個d病既印象就係成日甩臼，成日打針，都幾常發燒。我問返媽媽佢又話其實我已經算唔係成日病。但我明明就試過發燒燒到40度！好彩我無燒到變低b仔....

係我好細個果時我已經唔怕打針，到左而家其實係有種病態既鍾意...我直情會覺得....d針吉落肉果下係刺激得黎有d舒服，而且我覺得望住支針吉落肉好好睇。

另一樣係甩臼，我都唔明點解我d臼咁易甩....直情好似係僭建落去咁.......結構出現嚴重既問題！郁d又甩出黎..郁d又會甩出黎。一個月總會甩幾次，仲要我唔係做完劇烈運動後先會甩，我試過係幼稚園訓晏教，訓訓下甩左臼，跟住痛醒，然後自己托返.....其實我當時都唔知有無托"咩"到隻手...

唔止手，腳都好差！話有風濕腳既通常都係上左年紀既人，但我好似係幼稚園就已經開始d關節會痛，雖然我唔清楚我果d係唔係叫風濕，但轉天氣同俾風吹得勁我d手腳既關節都總係會痛！最近呢幾日返工好趕，就會跨大步d，但每次我一跨得比平時大步，我隻腳連住盆骨果個關節(即係髖骨？)就會覺得好似有種....磨合得唔好既感覺，唔係運動不足d筋扯住既感覺，而係有種好似想甩出黎既感覺。所以我盡可能都唔行太快，我費事行行下真係甩出黎就好笑啦！

我尋晚先同媽媽講....點解我d手工做得咁差架？人地d小朋友可以玩馬騮架，我玩唔到。細個果時真係好羨慕玩到馬騮架既小朋友(而家都好羨慕，但已經減退)，我覺得佢地可以完成到成條馬騮架真係好叻！我對手唔夠力...我最多好似只可以爬到2格

有時我會幻想....我會唔會好似新不了情既阿敏(我都有個敏字..shit！)咁？啋！先唔會！哈哈....希望我既結構性問題可以快d完滿解決，因為實在係唔方便呢.....