網誌分類：日記 |
過埋聽日就放假啦！雖然只係放一日，我都好有放假mood。今日放工同richey去左ZARA行街，哇！！！睇衫睇到我地好開心，件件都拎上手玩，哈哈。不過都唔係太多款岩我地，一來我地矮，佢好多連身裙都超～～～～長，有一件如果我要著而唔拖地，就要著到上條頸到
。我發覺ZARA入面八成都係背心又或者係吊帶黎既，無乜短袖衫，我同richey都....唔係幾著得到無袖既衫呢...嘻
ZARA既衫都唔算係太貴，我都有睇中一件衫，已經決左出糧之後再去shopping，諗下都覺得好鬼開心。
星期四就巴塞對曼聯，唔該巴塞！！！靈靈性性一定要輸呀！！雖然嬴都無乜所謂....但如果輸左對我地既益會多D！呵呵......話說阿宏就捧巴塞，話巴塞嬴硬！話如果巴塞輸就請我地食野，我地當然應承啦，點可能唔應承？跟住阿宏就問我"如果巴塞嬴左咁點先？"我就話"好啦！如果巴塞輸左你就請我地食紅油青瓜同口水雞，如果巴塞嬴左你就淨係請我地食紅油青瓜啦！有你著數。"跟住richey即笑爆咀。所以！巴塞....唔應該你輸啦今次。
而家學日文個阿sir問問題果時成日都好期待我同小寶答佢.....有時我地答唔出佢個樣會有少少失望，但我地答到一D出乎佢意料之外既問題佢又會好大反應，搞到而家有少少壓力，雖然我地係識答....但唔係因為我地叻，係因為我地學過。之後總會教到我地未學過既地方，睇見佢對我地咁抱有期望，我地又唔係幾好意思要佢失望....所以而家就好努力咁溫書....真係該燴。我好想佢快D教到形容動詞接て型呀....因為呢一樣我之前學得好差，學完都唔知佢有咩用，真係希望佢可以快D啤入我個腦到。話就話能力試係400分入面有240就合格，其中一份唔合格都無問題，但我真係唔想放棄文法呀........勞sir！！！！お願いします！！！！！！
