有人夜訪

我好少請人返屋企坐，昨晚做緊gel甲時候，手電嚮起，原來係殺手大小姐，佢話好悶，要到北角找我，我話唔出得街，佢話上屋企傾。於是急忙finish左做gel甲等佢。

接左佢上樓後，到左我房，聊左一陣。問下佢近況，工作and感情，佢乜都會講，心想，其實殺手如果可以平心靜氣，放低少少自已要求，兩個人可以開心好多。

自問自已從來都唔係一個好聆聽者，是關我好冇耐性，而且我成日都覺得自已問題，好多時係自已製做出黎，答案自已又唔係唔知，偏偏就係鍾意係個口講出黎比人聽。

點都好，既然大小姐選擇講我聽，我就聽啦！人家的事，唔會係到講，要有D私穩先得。

我會唔會同人傾，都會，會同公子講。佢D insight好多時會好直接，好簡單，但聽落又會覺得好有point。公子係一個天生聆聽者，佢好patient，同好有response，所以都期好多人鍾意找佢傾計。咁佢自已會唔會找人傾，都會，會同我講，我已經學到聽唔駁咀，唔好鬧，只係聽，所以我都係佢soul mate，希望佢可以搵個女朋友仔都可以聽佢講野啦！