再跑呀！！

秋風起，跑意喱！！

終於都等到有秋天嘅感覺～　難得聽日放假，就同細佬去跑一個無咩汗嘅步！　照舊沿住青山公路新汀九段跑向深井方向～





今日沿路仲可以碰到好多金毛、哥基、八哥。。　但跑起上喱就要小心啲啦！　因為除時會踩中黃金～　不過其實啲狗主人都好有公德心，但只怕會睇唔到咁多，留低一兩舊喺度　|!|!!|



其實跑呢段路感覺真係唔錯，可以一路跑一路望住個海、望到汀九橋、青馬大橋呢啲靚景～

加上條路無咩人，１條直路，路路通！



但就要小心啲車囉！　雖然係楚河漢界，但話晒可以開到７０咪～　夜蘭人靜就更加係紅ｖａｎ和跑車嘅世界　|!|!!|

今次成績唔錯，我竟然可以一口氣跑到深井！　用咗大約４０分鐘就跑到，再用１個鐘慢慢行返喱。。　其實可以再跑，但今日呢啲天氣～　行吓感覺仲正！！


最後，仲叫我細佬背住我行咗一大段路！（但我就笑足呢段路）
感覺仲累過自己跑～


----------------------------------------------------------------------------------------------


【無奈小插曲一樁】

話說我倆跑到去深井，去到一間便利店買飲品（照舊身上有廿皮）～　我哋分別每人攞咗１支飲品，由細佬去比錢，而我就跟隨在後。。

過機：（音）嘟！嘟！
店員：多謝你＄１９．９呀！
細佬：好～
店員：找番你＄０．１，多謝晒！

過程好順利，無咩問題發生！　繼續。。

我細佬攞起自己嗰支飲品，我就攞起自己嗰支～　但同時我發覺我無手開支飲品，咁我唯有再放低支飲品，將手上嘅嘢袋起！！　整個過程我只用了２至３秒～　但當我拎番轉頭想話攞番支嘢，竟然發覺唔見咗支嘢！（當時係未有人跟隨本人後面要比錢）　我再望一望我細佬手頭上只係得佢自己嗰支，咁我嗰支呢？

以上呢個過程其實好快！　繼續。。

過機：（音）嘟！
店員：多謝你＄１０．６呀！
本人：吓～　呢支比咗錢啦喎。。
細佬：佢同我一齊買，比咗錢啦喎！　你仲找番＄０．１比我～
店員：頭先你比＄２０我嘅咩？
細佬：係呀！

店員眼神充滿不信任、懷疑嘅眼光！！　而我同細佬就充滿無奈嘅眼光！！
我都仲未比得切反應，已經有下１位客人前來付錢～

店員：唉～　算啦！！

|!|!!||!|!!||!|!!|

算～　呢句說話應該係我哋講先啱喎！　我哋咁啱無氣同你嘈。。
又唔諗吓自己未夠１１點就發緊夢～