第五天向‧台北出發【晴】

雖然好想繼續訓，但点都要１０点前去食個早歺就繼續台北嘅行程～　呢度嘅早歺唔係自助式，係要你早一日選定你想食咩ｓｅｔ！　

今日我選咗牛肉面。。　等你坐定定先至煮，夠晒新鮮熱辣～
好味度：êêê





食飽飽我哋就先去「忠孝敦化站」附近嘅微風廣場，當佢１１点正式開門嘅時候，會有４位穿著正齊服裝嘅「棒棒堂」男生站在大門前，分別用３種語言（普通話、日語、英語）連動作向大家請個安、歡迎大家光臨～




之後就去「敦化南路一段」附近走走～　走到累了！又坐吓來食食。。「桂林鉄板燒」，味道不錯而且價錢都十分便宜，平均２００蚊台幣，白飯汽水任食任飲！！　　仲附上炒豆芽、青菜。。

地址：台北縣三重市自強路四段41號
好味度：êêê





之後，我哋就出發去「淡水」～　由於嗰日係星期六，所以超多人！！　感覺好熱鬧。。





成條街都係人同埋小食，紀先生終於忍唔住雪糕嘅引誘～　　而我就抵受唔住「鹽酥菇」嘅引誘！　基於我係所有菇類嘅粉絲，因此「鹽酥菇」係我每次去台灣必吃的小食。。　但点解淡水呢個啲菇會係低脂、高鈣？

之後，我哋仲食咗蝦捲、飲咗酸梅汁，行一行逛一逛～　睇埋個日落黃昏！













離開咗淡水之後，我哋就出發去到「永康街」搵嘢食啦～　今日比起平日喱講係熱鬧好多！！　




今次我哋幫襯呢一間意大利面店「CELLO PASTA騎樓義大利麵」，好出名好多人幫襯架！　呢間嘢由大提琴家范宗沛所開嘅，已經有３間分店啦～




地址：台北市永康街31巷14號（永康公園旁）
好味度：êêêêê

依次序先啯個「四季彩蔬意粉」，想食得清清哋呢個都唔錯呀～　跟住有「辣味培根意粉」，鍾意食辣嘅朋友呢個一定啱！！　仲有個「法式磨菇湯」，啲磨菇味噥到吖。。　啱晒我呢個「菇類粉絲」～









下一站就要去出晒名嘅「冰館」，真係超人氣！！　

想搵個位都難，有啲人仲要企係度食～　今日我哋食超人氣「超級新鮮水果綜合冰」，又超人氣又超新鮮當然會超好食啦，仲要佢只係１６０蚊台幣咋！

地址：台北市大安區永康街15號
好味度：êêêêê







食到飽都仲走去買番几個Ｄｏｎｕｔ～　我倆次次去台北都必買埋几個返酒店做消夜！！　唔肥都有鬼　 |!|!!|　







最後一晚喺台北，又半夜３更，做乜最好？（千祈唔好諗錯隔離呀！）

當然去２４小時營業嘅。。　唔係麥記！　係旺角香港中央图書館嘅「誠品書店」，睇吓有咩收穫先～











今次收穫唔算多啦～！！


依次序有我追足３年先出第８集嘅「四葉妹妹」、跟住有插画家高木直子嘅「一個人漂泊的日子」，佢所有出嘅書我都係喺台灣入貨，因為香港賣７０几蚊一本實在太貴啦～

之後有同ｂｌｏｇ友ｇｏｂｉ仔成個餅印嘅金毛仔感人故事「只要一分鐘」。。

最後有近來上画嘅「潮拜購物狂」作者蘇菲‧金素拉出嘅書，分別係「購物狂與宝宝」、「我的Ａ級秘密」～　應該會几好睇！！