澳門中秋一日遊（上集）

今日已經係１０月６号，距離中秋節已經有３日，但我一直有心無力打呢篇嘢，放完假個人係會懶散一啲架啦，即管睇下我要打几多日先打完～

---------------------------------------------------------------------------------------------


當日８点鐘起身，９点鐘出門口，１０点到達上環月台等２位中女友人（被稱”黑面”；和自稱”高層”）～

無聊的自拍。。

我哋１０点九上船，但好快已經有”火羅”爆嘅事件啦～

唔知我係咪未訓醒，當我幫佢哋填晒啲入境申請表時，我將”黑面”個出生日期寫咗２００９年，咁啫係話佢得３個月大   |!|!!| 　

跟住張健康申報表，我又將自己個聯絡電話同”黑面”嗰個調轉咗，咁啫係又話如果我中咗豬流會打比佢，相反就會打比我，哈～
好在”高層”眼利，可能佢平時訓練有素！！




一出関口，有好多倒錢業界嘅朋友等緊我哋，包括一大隻籌碼～




跟住我哋呢啲醒目派當然係揾架免費車坐咗出去市區先啦！
呵。呵。呵～




我哋第一站「議事亭前地」





「郵政總局」




行行吓最後都係要睇地图，笑～
右手邊呢位就係”黑面”，而左手邊嗰位就係自稱”高層”啦！




第一件事當然係要填飽個肚先啦！

我哋首先要去福隆新街１８号「添發美食碗仔翅」，一点開門未開門已經有人排隊等，而我哋係第二批入去食嘅，今日食咗個３５蚊嘅「豪華碗仔翅」，由於”黑面”仲未食早餐，所以有人係食翅做早餐嘅。。







下次我一定要豪食個「濃湯瓦煲花膠翅」先得～
”黑面”今日負責做財政大神，等佢找完數，仲有好多人排隊等食翅！




食完個早餐，下一步就係去食午餐啦～
福隆新街６８号地下近清平直街街口「祥記麵家」，食最出名嘅蝦子麵！





三條女坐咗人哋差唔多成張枱，先叫得２樣嘢食（云吞、蝦子麵）   |!|!!| 
無計啦～　要留番個肚一陣食其他嘢呀麻！








最慘係食完我同”黑面”有啲口乾，想話叫啲汽水飲吓～　点知”高層”發威話唔比飲，話一陣帶我哋去食甜点喎！
又点知”高層”口中嘅甜点店要２点半先開，當時只係１点４５分。。

包括連想食嘅粥店都請我哋食閉門羹   |!|!!| 
「三元粥品」福隆新街４４号地下




最終，我同”黑面”都可以獲”高層”批准買番２罐可樂，笑～




跟住我哋就坐的士去咗「大三巴」，”火羅”爆嘅事件又再出現，事因我哋一同司机大哥講：「唔該，大三巴！」　個司机個反應係停咗三秒，然後同我哋講：「好近咋喎。。」   |!|!!| 　哈～
　

唔好理咁多，落咗車我哋首先四圍行吓，影吓相咁。。
















果欄街５８号Ｂ「梳打埠懷舊店」，入面賣嘅嘢好多都老過晒我哋～








接住，我哋去食豆腐花，滑一滑個口先～
果欄街４７号「榮記豆腐麵食」





啲豆腐花真係超滑，同埋佢落咗少少薑汁～
不過下次去食記住啲糖水係晒底，係要好考技巧咁炒底，但又唔可以炒爛啲豆腐花喎。。




大三巴最後一站，不過話咁快又有”火羅”爆嘅事件發生咗。。
首先我想問下大家以下呢２間舖頭有咩分別？

。。。


表面睇其實真係好似同一間，而且都係掛住好多椰子～
分別就係當”高層”行埋去左手邊嗰間講咗一句：「雪糕」
但人哋淡淡然咁答咗佢一句：「無。。」

跟住再行過２步，先發現係右手邊嗰間先有椰子雪糕賣架！
笑到我同”黑面”死咗～



正確地址果欄街１４号地下「洪韾椰子」






超香椰子味嘅雪糕，正！



（待續）