我們這一家。中山【第三天】

訓到１０点起身又落去會所飲茶食過，食飽飽！！　返去屋企唱下演唱會卡拉ＯＫ～　唱飽啦又出發去四圍ｌｏｏｋ啦。。

今日去到国內嘅吉之島，同香港嘅無乜分別，不過當然貨式會唔同啦！！






又發掘到啲有趣物件，先比大家估吓係乜嘢喱。。　






就咁睇，佢係一舊平平無奇嘅軟膠，外表光滑，內裡有啲凹凸紋。　有人話係隔熱器；有人話係開瓶器；有人話係防滑膠～




但就咁睇真係未必估到係乜？　再睇真啲。。




我自己都估唔到竟然係用喱「剥蒜」，图文並茂，睇又好似好易用。　因為我都几唔鍾意剥蒜頭，雖說有人會鍾意拍扁佢先，咁啲皮就容易剥，但如果呢個嘢真係駛得咁都几方便吖，仲可以几粒一齊ｌｏｏｋ！！



至於呢個我相信有行開十蚊店呀～　日本城呀～　都有見過佢！！









就算未見過，都有好多人會估中，就係「携蕉器」！！　但我會覚得佢好似多此一舉咁，或者會有人覚得佢好實用都唔定。。　

但又或者～　或者我想帶牛奶蕉，咁肥咪放唔落囉？





行行下，又落咗去超市掃貨，又見到Lay's出嘅薯片啦～　雖然本身佢隻味無之前上好佳牌薯片出嗰啲味咁怪，但佢呢個味啲形容詞真係不得了架！！





放大啲睇，ｓｅｅ～　叫「吮指紅燒肉味」　　”吮指”呢個字我鍾意呀！　仲有埋英文叫「Finger Licking」，掂呀！


薯片就唔買啦～　茶包就買番啲番香港公司飲，清吓腸胃。　但又係勁多味囉，香港最多係綠茶、紅茶嗰啲，無乜變化！！　喺国內就咁睇一個牌子都已經有６隻味，仲要每隻味入面有几種嘢～





我就買咗「清衝茶」、「欣情茶」，見到嗎？　每隻味都有几種嘢係度，有桂花、烏龍茶、苿莉花、菊花、金銀花、綠茶。。　有啲味仲有杞子添！



６点鐘，又係時候要出發去食飯啦～　

原來我家好近「石岐佬」，坐的士１０分鐘就去到！！　上次（四名「黑面大將」出戰開平）同２位中女跟團都有去，不過今次無食到「神登煎堆」，食咗上次無食到嘅菠蘿包～






正常樣２個～　（部電話Short Short地，影到啲背影咁嘅色）




等食咀郁郁嘅樣２個；　加等食呆滯嘅樣２個。。






由於燈光太暗，相片質素無眼睇～　依次序有：醬油鴨、南乳骨、豆腐、乳鴿、菠蘿包、小白菜（餸菜全名唔係好記得　 |!|!!|）














仲有一味係由於我哋昨晚睇完「美女廚房」，其中一味嘉賓要煑嘅係蛇，咁我哋今晚又食吓蛇～～～～～

就係呢啲水蛇啦！！　一條條好嘔心咁　






。。。。。



本來我唔係好敢食，不過佢煑咗出喱又好似好好味咁，咁唯有一試啦！！　平生第一次食蛇就係咁食咗啦。。




原來蛇都有咁多骨架！！　真係食完先知，仲好似百足添呀～　不過又真係几好味嘅～



又食飽飽，返屋企打番４圈，飲飽笑醉！！　訓埋今晚，明日就要返香港～　如果唔係因為怕肥，我真係想留係度一個半個月呀～