廢ｕｐ

好耐無打過ｂｌｏｇ，已經係上年嘅事！！



生活上可以話無乜大事發生，可惜係我連生日点慶祝都無時間打～
工係上由１１月開始可以話忙到宜家，另一方面我又好努力咁揾緊另外一戶好人家（我都係指工作上）


心境和身體都好累好累。。

近來臨訓前有睇番一本「修靈」嘅書，我都係是但打開一頁喱睇，但每次都好中我心入面諗緊嘅嘢，感謝～


老實講：有時都唔想自己想点，或者我咁行咁做啱唔啱，又或者有啲嘢根本唔到你想点或者点揀？　書又讀完，可惜此終都未有机會入嗰行，以下係我早几日同老豆嘅對話。。

我：９月畢業，終於都攞到張證書啦！
老豆：其實你讀喱有咩用？
我：轉行囉！！
老豆：咁你轉唔轉到呀？
我：好難，暫時無人要
老豆：咁咪係囉～
我：（無言）

其實當時我心入面已經有咗個答案，只係有人將個答案再講我知嘅時候，內心真係好似個差佬比人打咗一把咁～

報番個好消息，驗咗個胃，暫時無穿無爛亦都無菌！！
總算係今個年度暫時最開心嘅事。。