仍在評估中

唔經唔覺都已經請咗四個幾月sick leave啦! 公司都開始懷疑點解我仲未番得工, 連我自己都唔知點解, 佢地成日問我依家覺得好d未, 我都係得一個答案, 咪仲係痛囉! 最近一次睇骨科, 個醫生好豪地又比咗六星期病假我, 連我自己都覺得好離譜, 唔係掛??? 仲要多六星期???

番公司交病假紙比有關部門同事, 佢好懷疑我係咪真係需要噤長病假, 佢就安排咗另一個公司嘅權威醫生叫我去問吓佢嘅專業意見, 亦即係Medical Evaluation, 凡係請病假超過一個月, 係resume duty之前一定要去睇公司指定嘅醫生做評估, 佢地評估過認為你冇大礙先可以番工, 唔係你話想番工就番工.  計哩今次, 我大大話話都做咗三次評估啦! 之前兩次都係"名落孫山", 所以我對今次權威醫生嘅評估好有期望.....

等咗一個星期, 終於見到權威醫生啦! 佢不停地問我哩幾個月做過d咩嘢治療呀! 邊個同我做呀! 佢覺得照計我應該好番哂番得工啦! 後來發現之前我做嘅物理治療都對我幫助唔大, 反而最近開始番公司做d strengthen嘅運動就開始有明顯嘅進展啦! 之後佢同我玩咗一d鬥力嘅動作, 佢話唔係佢想像中噤差, 我心諗, 今次都應該可以番工啦話? 點知........... 佢又叫我攞本簿仔比佢(我地d病假全部都要寫係果本簿仔度), 一開又開咗16日比我, 個心立即灰哂! 可能你地會覺得有得放假不知幾開心, 但你試下放四個月假日日叫你去睇醫生, 做物理治療, 做復康運動...... 感覺真係唔係噤好受

結果我嘅第三次M/E 又再次失望而回.