Roster Day

今日又係出roster 嘅大日子, 雖然唔知道上個月番得工未, 但係都心急想睇下下個月有d咩嘢機, 個roster好簡潔, 只有三班機同五日"隨時候命", 年廿九至年初三都放假, 不過農曆新年放唔放假對我黎講都冇咩所謂, 不竟我已經好多年冇係農曆新年放假, 而且去拜年就係好悶, 我寧願番工啦!

十二月時冇嘅法蘭克福, 公司竟然比番我, 真係開心, 不過我班倫敦就真係麻麻, 因為係operate去, passenger番, 即係話番黎香港果轉唔洗做, 所以人工亦相對減半, 而且向原本嘅五日pattern變咗四日, allowance又減半, 好慘! 仲要如果有人唔生性係倫敦report sick, 我就要頂佢個位, 即係allowance減半之餘仲要做住番香港, 好唔扺啫! 下個月仲有另一班都會要做乘客去, 做咩事呀? 可能公司知我長咗太長病假, 所以唔想我太操勞掛?

Anyway, 首先我都係要好番先, 如果唔係個roster點靚都冇用啦!