色魔呢家野‧總有一個響左近

近排公司色魔特別多, 攪到個個女仔都人心惶惶, 去廁所都去得唔舒暢。慘慘慘! 滑雪, 公司廁所極之open, 雖有門二度, 但長期開著, 而閒雜人等又能自由出入。

早前, 樓上女廁有人被偷拍事件之後, 滿以為唔關自己事, 9樓咁多女仔去廁所, 那有人咁大膽做出呢D禽獸不如既行為呢?! 直至最近, 有女仔發現被人偷望, 今次不是偷拍, 竟是從上伸個頭去望! 嘩! 聽到都覺得離譜啦! 可能廁格較大, 如果從入面靠水箱伸頭出來, 出面等廁所的女仔也很難察覺(角度問題嘛)。已經報了兩次警, 可惜當時抓不到色魔, 所以只是備案。

終於.....

今天, 我們的PK之花福祿壽頭之一, 竟不顧一切, 超乎常人既勇敢, 奮不顧身, 雖是受害者之一, 但竟能在中途毫不猶豫衝了出來, 褲褲襤褸, 雙手捉緊色魔, 大叫大嚷, 起初兩秒聽不清楚是什麼, 以為有人在吵架, 但是有三個字聽得清楚, 就是: 捉到喇! 捉到喇! Wing Wing同學和我立刻衝去救人, 去到走廊中途, 看見Christine從廁所衝出來喊捉到!

跟著我已經看見那個色魔, 真是好眉好貌, 絕對看不出他會是色魔, 西裝骨骨, 斯斯文文, 高高瘦瘦, 架著副眼鏡, 書生look。頓時PK之花阿福大叫: 叫高大來, 快點叫高大來! (高大: 又高又大的男人是也) 我就一個180度U Turn, 叫人來, 但高大未見, 已經見到壞人和Rex從office出來, 我大叫, 快D過去幫拖捉住佢! 快D啦! 幫阿福手! 入面一姐已經正在報警, 又call了保安上來。因為久久未捉到色魔, 大家都非常好奇, 就連8樓的同事也走了上來(風吹得那麼快!), 為了一堵他的盧山真面目, 除了有成十幾廿人圍著他之外(怕他逃走嘛), 來觀摩的人也一樣的多。

但他出奇的冷靜, 同樣大家都沒說什麼, 他竟在自辯說:入錯廁所姐, 小姐, 你唔駛咁驚wor(捉完之後先開始知驚), 我都無"裝"你去廁所! 壞人立刻說: 都無人話你"裝"佢去廁所! 好呀!!! 簡直係一語道破呀! 此地無銀三百兩! 壞人又說: 你唔駛同我地講, 淨間你同警察講啦!

【P.S.: 由於後期虎虎已離開案發現場去做野, 後期事件發展是由Wing Wing同學口述提供, 如有遺漏, 請由壞人再親述一遍】

最後警察來了, 一輪過後, 那名色魔被"塔"了孖葉押返警署了!

在此, 真的要佩服阿福的過人勇敢, 不是個個女仔都做得到呢! 當雙手捉住色魔時(真敢用雙手近距離捉住), 還未正式將褲子穿上, 而且, 廁所還只是去了一半呢! 真是女中豪傑! 厲害!!! 阿福! 你好勁呀!!!!! WE LOVE YOU!!!!!!

但各位女仔不用開心得咁早, 據聞上次樓上那個並不是今次那個呀! 大家都要提高警覺, 攞出勇氣, 警惡懲奸!!! 絕不能俾佢地睇得咁過癮!!!