第一鑊講錯野!

滑雪, 虎虎今日做秘書仔幫手interview的前期工作(佢地係咁叫果個幫手interview對資料既姐姐, 我今日學野, 所以替代左佢), 咪即係對cert. 呀, 對身份證呀, 影印咁law, 果時都做開架啦! 但係呢樹唔同, 所有資料要填得一絲不苟, 所有填上去既資料都要有證明, 如果沒有就要mark低"no supporting"之類既野咁, 對到我眼都突埋, 事關每15分鐘一個, d 阿叔阿姐又唔曉填, 填到亂晒, 又要教佢填form呀咁!

響百忙之中, 有電話響, 虎虎就好順手咁拎起電話夾住, 一路對資料, 一路咁話: 「你好! 高峰!」哈哈! 對方好大個反應就係話:「吓??高峰? 高峰你都講得出??!」哎呀! 原來來電者就係我地既COI, 哈! 不過佢係笑住黎講既!

之後, 個EOII路過我身邊既時候就大叫:「高峰!」其實佢係笑緊我。我大叫一聲, 跟住佢話唔緊要架, 佢啱啱黎到既時候, 都係成日講錯九龍灣, 因為佢響九龍灣黎架wor!

咁我隔離果個真正秘書仔就笑到停唔到口喇!

唉! 第一鑊講錯, 就係自己人聽左, 虎虎真係好唔好意思呢!