網誌分類：無奈的虎虎 |
圖片
網誌日期：2008-05-23 19:16
虎虎計上星期五放工番到屋企之後, 就開始發高燒, 喉嚨痛, 發到星期一, 咁重禍不單行, 星期一睇醫生俾錢就發現張提款咭失左蹤, 咁阿虎虎左諗右諗啦, 終於諗到上次去OK便利店攞錢果時, 果個阿姐無俾番張咭我, 咁我咪去番果間野樹問囉。咁又攞得番喎, 一心以為張咭用得無問題啦! 過左一日, 點知去到惠康買野兼攞錢既時候, 發現俾銀行block左張咭喎, 咁拿拿林返公司問同事借錢去贖番d野啦! 已經嬲嬲地架啦! 緊係OK果個阿姐同我報失左張咭啦! 都算! 打去匯豐銀行, 果個姐姐仔仲攪笑(都唔知點解果時會聽佢講既), 佢話叫我去柜員機active番張咭就得架喇, 唔得先再去分行攪啦! 好啦! 當我將張咭插入柜員機---再按密碼之後---張咭就俾部機吞左喇!!!!!!v^v OH! NO!
我簡直------要爆喇!!! 我身無分文-唔係, 淨番十幾蚊... 呢個時候, 我覺得... 好無奈!!!
響同時, 虎虎發現由條頸後面開始(髮線對落)直至大脾加心口, 都生左大量一粒粒既類似暗瘡物體, 超超超超超恐怖! 醫生話我內分泌失調, 無藥食, 得藥膏搽! 所以...勁無奈!!! >=====<
