好勁呀......條魚!

嘩嘩嘩! TM呢樹好多野買架! 我既意思唔係好多shop去ping, 而係呢度d員工有好野, 正野, 荀野都會公諸同好, 要買牙, 分分鐘買到你窮呀! 最近, 有買藍莓啦! 買平過開倉價既衫啦(因為有位員工個家姐做線廠, 佢公司有呢d衫買, $20件(冷外套呀咁law, 都ok架, 放心, 唔係版黎, 有多碼多色), 不過虎虎無買到(忍忍忍), 仲有!!!呢樣真係忍唔到喇! 就係新鮮三文魚喇! 好抵食! 下面呢條野好勁, 有成4.5磅, 大約2千幾g, 都係賣$265大元咋! 好想食呀! 不過, 呢次虎虎錯過左, 下個星期又訂, 預埋我架喇! 大家係咪都同我一樣, 流晒口水呢!!!

P.S.聖誕節快到喇, 快d同聖誕老人影相啦!

呢樹做野, 都做左個多月喇! 俾我既感覺係...初時d人好似好cool咁, 但熟絡左又發覺其實佢地好無所謂, 同埋好關心別人, 可能佢地全部都做左人媽媽。覺得同佢地做野都好舒服。(拿! 暫時咋! 講真點會無是非呢! 我有試探過, 但無咩人肯講咋!) 叫我自己慢慢feel, 我呢,不嬲最遲鈍架喇(係feel呢家野姐), 所以, 我都唔知邊個打邊個。算啦! 做好自己本份, 懶理得佢地「第三次世界大戰」丫!