網誌分類：狗狗細味 |
我記得初養兔兔時
無諗過會養狗狗
養GALLY時又無諗過會養兩隻
而養埋OKA 時更加無諗過會生BB
最後............我擁有好多帶比我 好開心 嘅 "小朋友"
人嘅心態會隨時間不停改變
而對於養"小朋友"最大爭議問題就係 "BB" 與 "狗狗"
我都識好多狗友生BB繼續養狗
同時, 亦有放棄 (通常都唔會太熟)
我覺得世界真係唔係得黑同白
放棄就 "黑", 繼續就 "白", 中間有個好大好大嘅 灰色
而尼個灰色就要睇吓大人有幾大嘅 犠牲......
最近睇左一個好 感動/感觸/感慨 嘅CASE
一個媽媽剛生完BB就發覺狗狗生CANCER
而狗狗已經十四歲
醫生唔建議做手術
而佢嘅經濟亦唔容許佢有大花費
最後, 狗狗傷口一直流血
每日媽媽都要為佢清潔傷口及屋企
因為媽媽好唔捨得及擔心狗狗
只好將BB放在婆婆家
每日探望半小時又趕回家照顧小狗
BB七個月大都未可以回家
因為狗狗長期血 屋企衛生差
獸醫都唔建議BB回家
你地諗諗, 一個初為人母
要同自己BB長期分開
無論生活經濟都好大壓力
而佢最大最大心願就係 "人狗並存"
我覺得佢係好有 "資格" 去話所有因生BB放棄養狗嘅人
因為佢真係做到 "放棄" BB而繼續養狗
佢自己都話諗起BB就會喊
佢自己唔係一個好主人 (因為好多時佢真係有望狗狗早D走........大家都唔駛辛苦)
亦唔係一個好媽媽 (因為佢無做到一個媽媽要做嘅野)
如果佢話 放棄 (打針) 狗狗 D狗主就話佢有BB唔要狗狗
如果佢唔接BB D朋友親戚就會話佢唔理BB, 點做人媽媽啊..........
"人狗並存" 唔難
最難係點可以維持狗狗生活狀況不變而又可以照顧好BB呢??
如果我附近狗友
就會知道 GALLY 同 OKA 係好幸福
佢地依然可以每晚落街
其他有BB嘅狗狗
已經比人 "軟禁" 左喺屋企
有D就又工人帶去大小二便
但係.........我地都唔會好怪佢地
佢地起碼無放棄狗狗
只係 "放棄" 左狗狗嘅 "開心生活模式"
而我呢......
由有BB開始
要放棄大床陪狗狗瞓廳
要放棄平日見小魚時間陪狗狗
到左假期
就要放棄陪狗狗嘅時間
全部比晒小魚
如果你問有左BB嘅狗狗屋企
初初狗狗一定會好唔開心
主人都無時間陪佢地玩
更加唔會再晚晚出街
假期去玩等等........
所以我好衷心佩服嗰位媽媽
佢將來會好傷心難過唔可以睇到BB 好多第一次
PS. 有時平日晚我都諗, 我係咪應該放棄一兩晚時間去沙田陪小魚多D呢......
究竟我有無對三位小朋友都 "公平" 呢.................
不是娃娃 2008-09-04 02:40
這處境真的很為難, 也很慶幸她有一位很體貼, 明理的媽媽, 可替她照顧BB! 如果我遇到狗狗出了這麼大的問題, 可能會選擇『安樂』, 為的只是不想看到狗狗辛苦! 你說是嗎?
我的狗狗也快16歲了, 真的很怕! 剛剛我才第一次在網上找一些善終資料, 因他這幾天好像不太好哩! 唉! 不知道你有沒有些『狗友』清楚那間會比較好呢? 很多也說 "寵之天國" , "再見寵兒" 比較好, 不過我住新界, 想知道 "專業寵物" 好不好的?
單是找資料看, 我也哭到不成, 可是你也明白吧! 雖然很怕去面對, 可是有什麼事時才去找, 又怕會不滿意嘛!
謝謝你的幫忙!
倖瑜老豆2008-09-04 17:30
其實我識人都係多數搵尼兩間, 都係有讚有鬧
真係睇妳好無彩
我建議妳搵間比較放便自己地點嘅
到時可以早d去到跟跟
希望妳再遲多幾年先要諗喇.......
DR. AH B & Catherine 2008-08-23 22:34
倖瑜老豆2008-08-25 09:36
最重要自己可以好好安排..............
其實小朋友bb時期, 已經好需要父母身邊攬攬錫錫
如果太過執著狗狗問題
可能對bb好唔公平同做成一定嘅心理發展嘅影響........
將來事將來決定吧.............
♥Happy Pet's Store♥ 2008-08-21 22:59
推出狗狗月餅...現已接受訂購!!!!
快D 黎睇下啦!！！!!！*
http://hk.myblog.yahoo.com/happy915love
karkee 2008-08-20 12:16
其實我都明呢個世界有灰色地帶, 講真的, 我都有成日思考呢個問題0架!!當然如果唔可以兩存其美, 迫於無奈要放棄一方, 放棄狗狗係在所難免, 因為BB係由我地親自帶來呢個世界, 我地一定要對佢負責!!正如我朋友所講: “明知小朋友對花生敏感, 唔通你仲塞佢食花生咩..” 我又覺得佢講得0岩喎!
我由始至終, 都係討厭0個D無原因, 搵藉口唔要狗狗GE父母, 例如BB未生來就話狗狗會呷醋, 傷害BB而送走狗狗GE人……又好似我個BLOG講0個兩個CASES, 一個我真係鬧爆佢, 佢養隻史納莎0個陣, 無帶佢去過街, 無鍚過佢,
生左BB就唔要佢, 比人領養左又唔關心0下隻狗GE最新情況, 點知隻狗比個新主人DUMP左出街, 個舊主人又冷冷淡淡, 呢D人係咪要鬧爆佢???另一個CASES係我舊鄰居覺得辛苦, 想唔要一隻比熊, 我只係希望佢唔好一時衝動, 盡自己努力, 如果努力左都唔得先好諗比人…..其實我都唔係一面倒見到有BB唔要狗狗就鬧爆佢地0架!!
同埋希望D人真係諗清楚先好養狗, 唔好見到人地0個隻得意就跟風去養, 唔諗下將來會係點!!所以我成日勸我D朋友, 唔好見到我樂比好好玩, 又跟住養, 有無諗過生BB??諗住生就千其唔好養, 唔知生唔生都唔好養!!
倖瑜老豆2008-08-21 09:51
只要妳對自己有信心
妳絕對可以生bb架
如果d人問我生bb同狗狗尼個問題
而家我會答人, 生bb係爸爸媽媽嘅決定
妳認為需要生就 生, 唔想要bb就 唔好生
狗狗 "唔應該" 係你地決定生唔生bb嘅因素
狗狗只會影響你地點樣去安排生活......
講真, 狗狗十幾年生命, 到佢百年歸老再決定生bb
媽媽嘅身體都未必可以應負到
到時, 其他人就會將責任入左狗狗數...........佢地孭唔起架
同埋有一點好重要
我會提醒鍾意狗狗又想生bb嘅人
我地都好希望狗狗同bb一齊成長
bb大個左又可以一齊照顧狗狗
但係狗狗生命真係唔會好長
而我地由決定生bb 到勤力 "造人", 到bb出世
再到bb 兩三歲開可以同狗狗 "互動"
可能已經花左五六年時間
如果狗狗3-4歲時妳先 "決定" 去造人
咁...........妳就未必可以睇到佢地一齊開開心心嘅情境喇
ps. 啊肥兔毛毛喺bb一歲到走左, 我都未有機會同佢地影合照啊........
, 再加上兔毛比狗毛更加細同輕, 好易引發敏感, 所以一定要等bb有一定 "份量" 先可以比佢地接觸架.....
再ps. 希望妳地快d生個肥肥白白嘅bb喇, 只要捱過頭兩年, 就無太大問題架喇.........
karkee 2008-08-19 23:37
我覺得呢個問題, 真係要睇返父母自己點諗, 唔好講話狗狗, 好多人因為BB連親人都唔多理....
我相信有D人迫於無奈要放棄狗狗, 只要佢盡過力, 雖然最後要放棄, 但係我相信有好多狗主都會諒解佢...........事實上又真係有太多人養之前無諗清楚生BB問題, 生左之後根本無盡過力, 只係搵藉口唔要佢.....
倖瑜老豆2008-08-20 09:50
講真, 就算我自己覺得自己安排得好好, 亦會覺得 狗狗 bb 一齊生活始終會有好多意料之外嘅事發生
好似gally 嘔血痾血, 我都要即時將bb送走
啊表哥黎我地屋企會全身敏感起紅, 我地都覺得佢唔應該再黎我地屋企
有一點妳地係唔會知, 某程度上我地尼個生活模式 - 每人負責照顧一邊, 係好唔健康,亦會出現好多家庭問題, 試過同社工傾, 佢第一個健議就係可唔可以搵人要左d 狗狗去, 可想而知, "人狗並存" 喺bb時期一定會有好多問題----只要妳係真心喜歡狗狗, 重視狗狗生活模式, 咁妳要面對嘅問題 同犠牲, 就會好大好大.....
當然, 妳可以24小時困住狗狗, 都可以解決好多問題嘅......
咁..........如果發生喺妳身上, 妳覺得妳或者妳老公, 可唔可以做到以狗狗為先再安排bb嘅一切生活呢........
同埋有一點係會好影響我地嘅決定
就係狗狗 可以搵人 代養/暫養/領養, 而bb就 無可能........
希望妳明白我寫咁多野想表達d咩喇
隨左大肚已經話唔要bb嗰d
某程度bb出世後因有問題而幫狗狗搵新主人嘅狗主
佢地應該唔會太差
而佢地亦要承受 無左個 "囝/囡" 同比狗友話嘅痛苦
☆°亞比™ ☆° 2008-08-18 12:33
首先，係衷心、唔係哀心
到我自己結左婚，諗住有小朋友既同時，亦會考慮Mui Mui
，我同Mui爸講，無論點都唔會放棄Mui Mui
，Mui Mui已經有好唔愉快既經歷，到佢宜家開心喇、諗住有個永久既家
，我地就將佢放棄，絶對唔係一個主人應有既行為
，所以我覺得”BB同狗可唔可以並存”，係睇對父母、睇個主人既安排
，好似你講既果位女仔咁，可能佢見唔到好多BB既第一次，但佢教左BB好重要既︰做人要有責任
倖瑜老豆2008-08-18 13:17
hehe.........改番
唉......我相信bb未必有機會認識狗狗囉
要生就早d生啊, 等bb可以學習照顧狗狗麻
好多時我都會同人講
"人狗並存" 最關鍵嘅人唔係媽媽, bb 或者狗狗
而係個 "男人"
如果尼個case 個男主人唔係要早出晚歸
咁媽媽就可以留喺bb身邊多d
所以妳要好好貫輸尼個概念比妳老公
第時有左要佢唔好再出街玩, 幫手負責mui mui 所有大小事
得閒就再幫手揍bb
touchwood 講句,就算遇到 "意外", 都要兩個人一齊分擔.....
COFFEE 2008-08-18 12:10
狗狗同BB共存的話題真係睇過好多
你講嗰個CASE個女主人真係好偉大 , 對於狗狗同BB , 我唔知呢個係咪最好的解決方法 , 不過最緊要睇佢自己點睇
可能對於個位媽咪 , 同BB相處的時間來日方長 , 但同狗狗一齊的時間真係好有限
祝福佢地
倖瑜老豆2008-08-18 12:53
我相信尼到嘅朋友大部份都會咁做..........只要有第二個家可以收留BB.........
問題係............如果無父母願意接收BB........................
而狗狗會影響BB健康........ (尼一個係事實, 唔係估計, 好似倖瑜表哥每次黎我家都會全身敏感.......)
其實我只係想表達一件事 : 好多人都唔係真係想放棄狗狗, 希望D人唔好一見TOPIC 就不停鬧鬧鬧............人生好多時都會有好無奈嘅情況出現, 只不過暫時未發生喺大家身上.
我亦見過有人過兩年接返狗狗, 又要比人鬧, 話狗狗已經習慣新環境, 接返佢對佢同新主人都唔公平.......
倖瑜老豆 2008-08-17 01:56
http://forum.baby-kingdom.com/viewthread.php?tid=1649123&extra=page%3D1&page=1
比大家睇吓原狗主寫嘅文章
妳就會更加明白做人真係幾無奈
如果你地有好方法
就留言幫幫佢喇..............
比毛媽 2008-08-16 23:29
呢個family 好偉大， 如果換轉係我， 都唔知會點做！
倖瑜老豆2008-08-17 01:52
佢好似決定睇多次醫生再決定狗狗嘅前路................
留條link 喺樓上比你地睇喇.......
Nic Ma 2008-08-16 17:43
事前的安排是十分重要吧! 一則實際的空間, 二則心理上, 都是要好好部署, 方可愉快的共存, 否則凡事只談"到時至算", 就會出現手忙腳亂的情況呢!
倖瑜老豆2008-08-17 01:50
我都覺得自己好好彩
生之前plan 好嘅野都可以實行
無咩大意外
如果好似尼個case
真係無人可以預計到......
小吉の白仔 2008-08-16 15:52
倖瑜老豆2008-08-17 01:48
無事發生就無問題囉...
記得bb幾個月大時
原本諗住新年放假可以一家人一齊耐d
點知gally 病到差d 走左 -- gally
佢又係又痾又嘔
搞到全屋都係血
我都係第一時間送走bb
我自己陪gally 成個星期
所以如果真係有問題時....................bb 同 狗狗 真係要分開架......
frankfrank豬 2008-08-16 10:25
倖瑜老豆2008-08-17 01:42
多謝
但為左兩隻寶貝
我平日係唔出街返去餵佢地同陪佢地
老婆就負責陪bb
即係我地兩個都要放棄出街同 陪另外一邊嘅小朋友......
牧牧 2008-08-16 01:24
我真係覺得你已做得非常之咁好...
因為實在有太多人係會因為bb而放棄狗狗...
正如你同我講過...今時今日我未有家庭..未有bb,梗係可以好肯定咁講唔會放棄佢哋...
但有咗bb之後..一切可能都唔同..
的確..我都相信會令人思想改變..
正如你講的case一樣...當你又有狗又有bb時...
真係無論對邊邊好..都會有反對聲音...
其實只係睇你自己點樣去分配...
我都見有d人生完bb..d狗狗就冇得再出街玩...
但係我都覺得好安慰...只少佢哋冇放棄到d狗狗...
我希望你所講的那個case的朋友可以平安地渡過...
倖瑜老豆2008-08-17 01:38
妳都大過左囉
知道唔同時期有唔同想法
亦會有更加多人生經驗去睇每件事
嗰位朋友比較難平安渡過
真係隨左狗狗離開..................
我喺樓上留條line 比妳睇吓.
翠絲小姐 & 柴犬Tobby 2008-08-15 22:53
狗狗與BB, 我相信就算自己可以接受到兩者共存, 但家人未必會同意, 甚至會有強烈反對聲; 但我覺得你已經好好, 嘗試比佢地三個小朋友一齊生活,一齊相處 !!
其實, 我都贊成, 人係萬物之靈, 人係重要過狗(寵物), 某程度上都要以BB行先; 但始終狗都有生命, 打從要決定養佢呢一刻開始, 就一定要負上責任, 一定要養到佢終老 !! 但我認識有D人(甚至係親戚), 一有左BB(懷孕), 就即刻唔要養緊ge寵物, 呢點我係絕對唔同意 !!
所以, 我覺得你已經係一個好父親, 好主人架喇 !!
倖瑜老豆2008-08-17 01:34
當然, 一話大肚就唔要狗狗嗰d
根本就無得同情, 好人極有限..............
但如果bb出世後發現有問題要搵新主人嗰d
某程度上佢初初都諗住人狗並存
只係之後出左問題...............
希望d人可以用bb, 父母, 狗狗 唔同嘅角落去睇件事...........
Anton@Chanti 2008-08-15 21:33
u r really r great mom la, Emmy, for both 99 & bb~
although my hubbi and me already decided not to have baby long long time ago, i still realize that it would be very difficult to manage both in a really fair way, especially in time management.
U have done very very well ga la~
倖瑜老豆2008-08-17 23:28