無謂的男人

呀！老友，我在想什麼叫叻，叫有用？那個標準在哪裡？是所有人都認同的標準就是正確？

明白近日你心情不好...低落一兩天吧！再起來...

人生就是這樣...有高有低....就是這樣子呢

點心 : 小小灰, 又唔係太灰嘅, 可能面對毛毛, 有小小無奈感覺, 亦好懷疑我有無比過幸福佢.

VickiE : 希望妳可以keep 住個心態啦, 當然, 搵個有錢老公就唔駛煩啦

亞比 : 原來有咁多天秤座喎, 駛唔駛搞個 "老麥" 生日會呢, 妳估我係正資產定負資產呢 ?

水母 : 我都會覺得我對屋企 (包括自己媽媽屋企)係有d用, 但好多時真係能力所限, 真係出現幫唔到手嘅問題, 而我已經係家中最 "有用" 嘅人, 搞到大家都幾無助........  

喂喂... 你「做好多野, 買好多野都係為頭家」又點算無用呢? 只不過你真的需要好好對自己，有時間咪同班朋友出外玩下lor, 最好同d 有family 的夫婦，咁咪可以免除有是非或引誘lor... 其實你已經做得好好，沒有不良嗜好又顧家，始終家中家頭細務都要有人做，各人有其所長，就發揮你所長去彼此服侍。得閒咪多d同個老婆傾下計去下街啦，可能佢都好悶呢!

我都係天秤座喎，唔好諗自己有冇用，個天叫得你黎，你一定有用處架

係鍾意有情趣! 但更鍾意你o既專一...對囡囡o既愛鍚...對狗狗o既愛心嘛!
$...我諗...到時至明白呢!  依家我都口輕輕同你講"唔係最重要"! 哈...

我都係天平座，亦很執著于公唔公平問題兼追求完美，但呢個世界係無法完美的，凡事都有相對論，對嗎？！！

我相信你寫呢篇blog嘅時候心情很灰，人縂有失意的時候，這個時候所有安慰都多餘，最需要的往往是聆聽，我相信你一定可以跳出呢种心情，加油！！每個人生存都有其價值，唔好再鑽牛角尖啦！！

PPrikorino : 我嘅價值觀比較簡單, 比到人開心, 幫到有需要嘅人, 就係人嘅價值, 如果令身邊人唔開心, 破壞其他人生活, 尼個人就係負資產. 如果一個人生存只係為滿足自己, 咁嗰個人係好需要諗諗自己人生.

公唔公平呢.... 我又唔會覺得人地對我唔公平, 我只會用旁觀者身份睇人地, 實在太多好人 (不論工作上, 朋友上, 生活上) 得唔到公平待遇, 而你根本唔會有能力/權力幫到佢地.......... 隨左講句 "睇化" 真係無咩做到

 BoBo & QQ : 我好知足架, 我成日話我已經有左好多野, 但生活壓力同問題, 真係好易整死人.

墨西^u^ : 其實我又唔應該用"富裕" 形容 , 我只係想老婆唔駛做, 我每日放工番屋企見到佢地齊齊等我放工.

VickiE : 估都估到我會係一個超級悶蛋啦 , 女仔唔係鍾意有情趣嘅人咩.

錢真係唔係最重要, 但要維持一頭家, 真係唔係咁簡單 . 錢 --- 係一個好好好好重要嘅元素.

QK~你講得好啱呀!!!
唔煙, 唔酒, 唔賭, 唔睇波, 唔打波, 唔去浦, 唔約朋友食飯吹水......＞＞＞呢ｄ係你優點！

平日隋左對住兩隻寶貝, 假期對住個囡囡＞＞＞呢個...都係你優點!!!

其實我覺得...一個家...唔需要話好有錢...
只要開開心心...咩都夠喇!

每個人都有唔同嘅目標，照顧家人，建造一個溫暖嘅家都係一個偉大嘅目標嚟架！

而且富裕嘅生活同溫暖的家冇直接嘅關係，好多所謂成功人仕，富有人家，都冇辦法同家人建立一份愛！我相信世界係公平嘅（正如你說天秤座的諗法）有得必有失，好多野唔諗得太多，只要能找到適合自己嘅生活方式，同所愛嘅家人開開心心咁生活，其實已經很不錯啦！

我阿姨常跟我說︰「要積極樂觀，努力爭取，但卻絕不可以強求！」共勉之！

唔好亂想啦, 知足常樂呀

我相信每個人都有佢地嘅存在價值嘅,唔係去用幫唔幫到人去衡量㗎

公唔公平呢樣野嘅睇法,有時都好個人,因為大家都有自己嘅理由,做事但求無愧於心

可能有小小誤會, 我講 "無謂" 係指我對住外面嘅世界, 對於自己屋企, 我嘅存在當然唔係無謂啦, 最多都係無夸啫

可能我比較早結婚, 無話特別去追求過婚姻, 我成日以為家庭生活係每個人生嘅必經之路, 之於目標, 我真係無諗過自己 可以/想去 實現咩野願望, 又或者有咩目標想去完成, 生完fish 之後更加唔駛去搵目標啦, 照顧屋企d 仔仔女女 都夠我忙.

男人.......係咪需要有夢想呢 ? 會唔會比人覺得好唔長進呢 ? 又或者無能力比個富裕環境屋企人呢?

COFFEE : 係架, 見到佢地開心, 我就好滿足, 自己...... 無謂亂晒錢啦, 再加上無多餘錢去晒

恩恩b : 我唔會諗埋一邊架, 這裡是我家, 這裡有力量麻

墨西^u^ : "熱心助人" 真係比左好多陰影我架, 但我唔會放棄嘅, 用我好有限嘅能力去幫其他人.

Nic Ma : 講真, 我覺得我嘅價值觀真係同普通人唔同 

自信 - 一時時有, 目標 - 真係無咩, 誠信- 我諗都有掛, 咁......... 我可唔可以吸引人啊.

最主要係我讀書時明白清晰地感受過幫到人嘅開心, 讀完書後身為一個小薯 無能力再幫人嘅失落.

QK  : 多謝妳幫我將所有野都向好嗰方面睇喎  , 唔好聽d講法就係  - 古縮, 沉靜, 成日喺屋企唔去增值同搏殺, 一d都唔長進

天秤座嘅性格係咪好麻煩呢

 chimmelody的話：你的家庭便是你人生最大的目標囉－－－－好贊成

做好多野, 買好多野都係為頭家，自己都好少買野比自己＞＞＞即係你肯為呢個家付出，你管理頭家咁好已經成功了！

唔煙, 唔酒, 唔賭, 唔睇波, 唔打波, 唔去浦, 唔約朋友食飯吹水......＞＞＞呢ｄ係你優點！

平日隋左對住兩隻寶貝, 假期對住個囡囡＞＞＞證明你重視佢地！

真係完全係一個喺世界上可有可無嘅人，即係無左都唔會有人發覺嗰隻＞＞＞你咁講你的家人聽到會唔開心架，因為我相信在佢地心中你係無人可比的！

成日有心無力, 想幫人又無能力，想幫屋企又無能力＞＞＞我曾經唸法同你一樣，覺得幫唔到屋企，但其實唔洗在乎有冇能力，只要盡左力，冇人會怪你！

但畢業後完全當唔識我＞＞＞係佢唔識做人姐！

(我係一個天秤座嘅人, 會比較執著公唔公平尼個問題)＞＞＞我老公都係天秤座

 

你是家中的一份子, 又怎可以說是無謂呢? 唔信你問下佢地冇左你得唔得?

人的價值就是來自人的本身, 有自信, 有目標, 有誠信, 就已經可以好吸引人! 你不要亦不可以灰, 因為咁會令你的家人和關心你的人擔心, 明白未呀?(好似老師講野咁)

你又點會算無謂呀?! 對你的家人嚟講，你實在係超級重要啦！

雖然我地未見過面，但係我都覺得你係一個熱心助人，而且重視家庭嘅人...你俾我感覺到你係一個好老公兼好爸爸嚟架！千祈唔好小看自己呢！

每個人都有價植的, 對於家人來說, 你是不多失去的, 不要想埋一邊。

我都同意melody媽講"你的家庭便是你人生最大的目標"

我依家做嘢賺錢 , 自己都唔捨得洗錢 , d錢都係用哂係層樓同埋coffee同milk milk身上 , 不過我都好滿足依家的生活

哈哈, 其實唔可以話灰, 只係一個做人嘅態度同經驗

當姑娘講嗰番說話時, 我個腦 "叮" 左一聲

原來我係好幼稚, 睇野好唔全面 (當時我得十九歲)

放心喎, 起碼我都無放棄過去"幫人", 只係比細個時幫得含蓄小小

其實我預科時真係好多人搵我教功課架, 我讀econ account,

比較著重理解力, 所以當時好多人都好需要我

但一畢業就............. 無人搵我幫lu

喂,倖瑜老豆,仲埋咁灰先?

身為你的朋友仔,我,馬交玲,唔鍾意D朋友咁灰噃!

邊個話你無用?邊個話你幫唔到人?

我第一個話你知,當我同MELODY係好痛苦的時候

你是頭五名願意伸出援手,打電話給我,慰問我,給我想辦法的人

這份大恩大德,我會銘記,

向來

錦上添花很容易,雪中送炭的真的買少見少

你和你太太真是熱心的人,我感覺得到!

你說你沒有目標,你完全錯了

你的家庭便是你人生最大的目標囉

你找到了,恭喜你!

這個目標平凡了一點,或許是,或許不是

最重要是你一個有擔當,願意為整個家付出的好男人

我由衷的佩服你呢!

 

記住,唔好再自貶,否則,FRIEND都無得做

因為我喜歡陽光積極的朋友仔

你偶然灰一灰,俾你灰廿四小時咁多喇!

我會俾D陽光氣息,正能量過你架喇!

P.S.謝謝你和倖瑜媽媽的關心,小公主收到了,我也收到了!