網誌分類：生活細味 |
又過左父親節
最近睇到一個廣告
有一位小妹妹話爸爸每個月萬二人工
即每個鐘十幾蚊
於是佢攞左十幾蚊去爸爸公司
比左爸爸老細
"買" 佢一個鐘陪自己
作為爸爸嘅我
好明白個感受
人工已經唔多
仲要無時間陪屋企人 ........
尼兩日又有人爭取男人產假
幾年前老婆大肚已經有人爭取緊
好似d 咩商家會....經濟會.....總之 "老細" 會啦
話比一兩日男人產假
會嚴重影響香港經濟
我又唔信個個男人都唔請年假陪老婆生仔啊
咪又係請成個禮拜假
又唔見佢地炒晒尼班 男人
有d仲得閒攞吓病假陪d仔女添
啱啱完左小一派位
電視機訪問一對母女
媽媽好開心話唔駛讀d垃圾學校
到訪問個女時
個女又好開心話唔駛去d垃圾學校讀
究竟...........佢地心目中嘅垃圾學校係咪我地九成仔女讀嘅學校呢
對一個五六歲嘅小朋友貫輸 "名牌" 慨念
仲要大大聲公開............
咁就算入左 "名" 校
都未必改善到 "垃圾" 家庭嘅教育
最近係某個論壇睇到一個topic
有人問點為之人工高
第一個覆已經話一個人三萬算係底人工
有一個仔女起碼要五萬人工先夠
之後好多人都好認同
有人話十萬先叫高人工
嘩.....原來個世界真係好 "大" 架
我尼d井底娃真係唔知原來年薪三四十萬係底薪人士
週街有仔女嘅人都係人工好高嘅專業人仕
究竟....................
以我地尼一代嘅 "思想" "行為"
我地應該點教下一代呢..............
阿b媽, catherine 2008-06-21 23:53
倖瑜老豆2008-06-23 09:53
我連k3嘅記憶都無啊
屋企人嘅影響力真係好大架
好似依家成日見到d小朋友當姐姐係 "下人"
個個都好似大少爺大少姐嘅態度...........
雖然佢地真係幫屋企打工
但咁細個已經分 "身份" "地位"
將來又點會識得 "尊重" 其他人............
chimmelody 2008-06-20 20:54
加油呀
朋友仔!
倖瑜老豆2008-06-23 09:48
依家d 油好貴啊
真係越來越難加喇.............
小吉の白仔 2008-06-19 08:47
倖瑜老豆2008-06-19 10:06
其實好多公司都有男人產假, 通常 1-2 日
但係更加多公司唔會有
你請多幾日大假仲要睇人面色
依家個社會就係搞到大人唔開心, 細路又唔開心
比毛媽 2008-06-18 13:53
我支持男仕有一個星期產假. 作為陪老婆又好, 安頓小生命又好, 都應該比初為人父既放一放. 而我亦相信d 男仕你唔比佢放假佢自己都會攞, 咪又係影響經濟.
如果照個 forum 講要十幾萬月薪先叫做得, 咁呢個香港都有好多人唔掂喇.
倖瑜老豆2008-06-19 10:03
其實真係好需要假期架
又要安排屋企野,去醫院探病,執屋接出院
之後去健康院...........
好多野搞架, 我就請左一個星期大假
隋左i-bank funding 嗰d公司, 根本一個普通打工仔好難搵多過4-5萬月薪
只不過d人吹水唔抺嘴, 正一教壞細路.....
frankfrank豬 2008-06-18 00:29
倖瑜老豆2008-06-18 09:34
墨西^u^ 2008-06-17 19:23
啲父母咁樣教仔女法，即使個仔女入到名校，學識點高都好，父母成日灌輸啲咁垃圾嘅思想俾佢，將來佢長大咗，咪又係成為一件垃圾！
三萬蚊月薪都算係低人工？唔怪得99成日都覺得我地低薪都應該有好多錢駛啦！佢一定以為我地係呢種低薪一族...
倖瑜老豆2008-06-18 09:34
好多時真係要留意身邊人點樣教子女
好嘅就學, 唔好嘅就要小心自己唔好犯同樣嘅錯
d啊爸啊媽 short short 地
成日話邊個個仔搵六七萬
邊個又做大生意
咁好竟唔駛成家人住公屋喇
翠絲小姐 & 柴犬Tobby 2008-06-17 12:04
其實人工高與低，都只在乎個父母點樣運用啫，難道窮人就唔可以有小朋友咩？就算比到豐裕ge物質比小朋友，但比唔到正確ge做人態度，盞比人話 "冇家教"，甚至為害社會，激心激肺，咪仲死 ～
倖瑜老豆2008-06-17 14:13
我覺得窮人生仔真係無咩問題
只要唔好諗住同其他人比
各自各精彩就OK架喇
.....................不過...........
當你有仔女之後
妳就會不知不覺去 擔心/比較 好多野
☆°亞比™ ☆° 2008-06-17 09:31
男人放產假陪太太都好應該姐
，就算政府唔批，D男人都會放啦，不如決定實施，等人開心下啦
，仲要鼓勵生三個，你估個個都係政府助理，一個月十幾萬呀，人工真係好大差別呀
，最低工資都攪唔掂，政府要好好檢討下喇
D父母點教小朋友，咁細個就識分階級
，宜家呢個年代同我個年代，真係相差好遠呀
倖瑜老豆2008-06-17 13:46
希望趕得切批喇.......對妳
其實我覺得最高工時都好緊要架
得D人可以多D時間一家團聚麻
宜家物質太好喇
chimmelody 2008-06-17 05:44
真係人都癲
倖瑜老豆2008-06-17 13:44
你癲我都癲
大家一齊癲
QK 2008-06-16 18:18
我都有睇過果個女仔講"垃圾學校"的報導,簡直恐怖,怎麼咁小年紀就有階級觀念的思想,睇唔起平民學校,一定係家長灌輸的思想
,
我覺得人工唔需要高,只要夠開支,簡簡單單的生活都可以好開心.....我老公的妹夫每個月搵十幾萬,但佢一樣溶入到我地既圈子,完全冇架子,所以思想係好受父母影響的
倖瑜老豆2008-06-17 01:04
嘩
好羨慕啊
其實, 我只係想開心
如果因為錢而唔開心
不論係搵到 定 搵唔到
都係一件悲哀事
點心 2008-06-16 17:17
呢個世界真係越來越現實令人無所適從啊！！
倖瑜老豆2008-06-17 01:01
Nic Ma 2008-06-16 16:49
我都支持男人可以放三數日產假嘅, 咁佢地有名"一家之主"嘛, 亦唔係個個家庭喜歡或有能力請工人, 又或搵老人家去照顧, 咁一個產婦點做到咁多野呢! 有丈夫響身邊點都好啲嘅!
至於人工, 我覺得啲人吹水啫, 而且響forum講野班人都唔知黎自邊度, 唔值得理會! 我認為夠洗就已經好足夠(咁當然要有儲蓄), 唔通真係要留一舊錢比下一代咩! 要錢? 自己比心機搵啦! 供書教學至18歲, 我覺得已經好好好足夠喇!
倖瑜老豆2008-06-17 01:00
如果男人有產假, 力爸會唔會考慮吓呢
最可悲係我覺得講人工嗰d人, 根本搵唔到咁多
搵大錢嘅人邊得閒去d師奶forum 啊
只不過佢地嘅 觀念 真係好有問題......
18歲應該唔得勒..................起碼大學畢業...............我希望
COFFEE 2008-06-16 14:08
借FISH個句 : 呢個世界令我好迷茫呀
男士放產假 , 三兩日唔算多喇 , 又話要鼓勵香港人生育 , 連呢D基本嘢都無 , 政府真係講一套時做一套呀
倖瑜老豆2008-06-17 00:56
香港政府一向都要睇d商家面色家喇
無佢地點頭
啊公邊夠膽提議啊