網誌分類：狗狗細味 |
今日又係每月一次嘅醫院探訪
今次有七個大醫生 DR.GALLY, OKA (約瑟), COFFEE , MONEY & JACQUELINE (金毛), FRANK FRANK (八哥), GEORGE (貓貓)
雖然今次比較少狗狗
但一D 都唔冷清架
因為有三隻大金毛
真係唔嚇得都睇得 
又真係好多病人話有D怕大狗
咁啊OKA GALLY 忽然間值錢左 
今次探啊姐姐佢好開心, 不停笑 , 我諗佢已經記得兩隻寶貝勒
而嗰位 "專業" 義工照舊問佢一輪野見佢唔出聲答就 "自己一個" 行開左
由於姐姐鍾意靚仔明星
於是我叫埋八哥界嘅劉華 -- FRANK FRANK 一齊探佢
但好可惜.......... 啊姐姐鍾意嘅係.......... 黎明
睇黎下次要揾金仔幫手先得啦 
另外, 今次醫院探訪有兩件事比較想講
1. 有個病人話唔介意比佢地上床, 但舉起兩隻手, 我問佢做咩唔摸佢地 (佢地已經瞓左喺個病人身上), 佢居然答我 : D狗污糟, 唔用手掂
2. 有個婆婆話自己養過狗, D狗好乖好得意, 於是我放佢地落床比婆婆摸, 佢摸得好開心, 但一抱埋身佢就唔比, 佢話 : D狗好多狗蚤, 唔好放埋身
真係好想叫救命
今次來回都係照舊坐的士
去程司機雖然收狗錢, 但佢用一個最快最短距離路程去到, 車費只係$40另加$10狗錢
回程就犀利囉, 個司機初初問我行上路下路, 我話是旦啦 (因為我都唔知佢講咩D街名路名), 都係轉落葵芳行南橋入青衣碼頭, 佢無出聲, 之後發覺佢居然兜入青山道去荃灣再行北橋入碼頭, 足足行多$20, 駛唔駛兜得咁誇張啊, 我已經一路睥住佢, 但之前我話行邊條都無問題, 所以好焗氣, 到左我問佢幾錢, 如果佢收我狗錢我就黎料, 但吹賬, 佢一蚊狗錢都無收, 所以...........唉..............比錢..走人
我成日都唔明, 坐街上面D的士, 十次有五六次都要兜小小路, 一兩次兜大路, CALL 8折的就個個都識行最短嘅路程, 所以我真係好鍾意CALL 8折的, 唔收狗錢又唔兜路, 態度仲一流, 最衰就係短程路唔比CALL, 如果唔係, 我真係唔會搭街的, 實在試過太多勞氣野....
究竟佢地覺得全部客都識街道名所以問啊
定係知我地唔識先問呢
永遠問完之後, 答是旦就行長嗰條
第八日 14/10/2009 (Wed) 札幌 > 新千歲機場 > 香港1030 Hotel Check out JR快速エアポート (Airpor......
最愛貓狗用品 2007-09-04 01:04
frankfrank豬 2007-09-01 19:47
倖瑜老豆, 如無意外我應該會到~~我同frankfrank都會長期駐守係pmh架喇~~
923見啦~~
boboma, 唔該到時預埋我同肥仔啡啦~~thx~~
牧牧 2007-09-01 09:43
冇希望自然唔會失望啦...
不過咁...我哋未補相喎...
果日唔記得帶3R相...
墨西^u^ 2007-08-31 16:18
chimmelody 2007-08-31 11:35
倖瑜老豆 2007-08-31 10:06
墨西^u^ ,亞比 : 點解依家d tag 咁多問題嘅
, 以前得十幾條咋 
我近排痴呆症有小小發作, 可唔可以唔玩呢
等啊fish 第時大個再玩啦
亞比 : 個講座要搵dr.pet d 人問, 睇佢地點安排, 我諗依家太多人, 佢地都分唔到邊個聽左邊個無聽, 所以可能要主動聯絡佢地勒.
文迪 2007-08-31 09:04
亞比 2007-08-30 14:43
我未聽呀，我都唔知幾時有得聽
一齊玩啦http://hk.myblog.yahoo.com/phoebemimi0726/article?mid=3178&new=1
倖瑜老豆 2007-08-29 10:57
chimmelody : 即係23/9 星期日朝早瑪嘉烈囉, BOBO COFFEE 都會去架.
chimmelody 2007-08-29 10:53
倖瑜老豆 2007-08-29 09:59
亞比 : 妳聽左防感染未啊. 快d聽完過黎一齊開工啦.
QK : 真係每次見班街的抗議8折的同van仔, 真係好想丙佢地, 又唔做好本份, 如果做好d, d人真係貪call車方便咩, 有時真係唔知要等幾耐架, 但一諗起街的嘅經歷............
chimmelody : 足於浦頭啦, 真係好卦住妳..................d blog啊, 搞到我有d心靈空虛添, 下次妳去唔去啊.
BoBo & QQ : 如無 "意外" 我都會去嘅, 因為星期日朝早對我黎講係比較易就時間, 所以我諗我地會做長期駐院醫生
唔知其他人去唔去呢, 遲d會唔會變左 老(經驗)狗醫生聚舊地方呢, 記住係 "老" - 狗醫生, 唔係 "老狗" 醫生
BoBo & QQ 2007-08-28 21:39
chimmelody 2007-08-28 20:24
QK 2007-08-28 14:02
我以前帶狗狗出街都成日搭的,遠行就會call van,而家生左個女後直情出入都係搭的,但我對d的士司機無咩好感,因佢地態度差,成日兜路,冇禮貌,行車講電話,專登駛慢就燈,歧視帶bb車或狗狗的客.......
你都知我老公做邊行,就連佢和佢的同事都話接觸咁多司機,最憎都係的士佬,所以一定冇面俾
亞比 2007-08-28 12:12
倖瑜老豆 2007-08-28 10:13
frankfrank豬 : GALLY : 我做朝偉得唔得啊 ?
多謝妳先, 不過我兩個狗狗唔多適合同其他狗 "同車" , oka 會痴線架
, 金仔已經領個野啦 
四眼好似小雲個姐姐真係最好, 識得幫病人,探訪者同護士協調
反而D護士對OKA興趣不大, 唔似以前D老人中心, 個個姑娘都要抱佢.
frankfrank豬 2007-08-28 09:10
倖瑜老豆, 其實oka同gally咪係約瑟界既黎明囉..你睇果個姐姐一見佢2個就笑得好開心就知啦~~
果個好"pro"既義工..我真係唔覺得佢做到野囉..另外有個男既就成日搵我地黎攪, 你地覺唔覺佢成日叫我地埋去話個病人唔怕狗狗, 但去到d病人都係"另"晒頭吖....反而四眼好似小雲果個姐姐就睇得出佢對d病人好好..佢仲成日幫我抱亞肥仔啡同d病人傾計添..(佢仲記得我隻手未好番添呀
....)
另外, 我都覺得坐的士好多司機都會兜路, 同埋對你帶埋狗上車有d歧視既眼光...so我先死慳死抵買部車, 咁就唔洗煩...不如咁啦, 如果你唔怕我手辣車既話
, 下次我車埋你地啦, 反正我以前有成6年係青衣果頭返工, 果度d路我都記得點行既...(除左新起果d之外...)你到時再搵我啦~~
倖瑜老豆 2007-08-28 00:39
小吉 : 我又未見過咁錫車嘅司機喎
, 我依家發覺, 就算有養狗嘅人, 都未必了解養狗嘅責任同樂趣
Nic Ma : 我永遠都唔知d街名路名, d朋友揸車入黎問我點行, 我次次都唔識答, 再唔係叫佢地跟其他小巴同巴士入黎
COFFEE : 佢就係我一直講嘅姐姐囉, 見到佢因為自己狗狗而開心, 個心真係好滿足架. 其實我每次都有問個病人先放低, 佢地同意我先會放架. 所有短程call 車都係幾麻煩, 而我又好心急返屋企陪囡, 所以每次都做伸手黨 . 其實由表衣上去如果唔兜路都係40蚊, 我諗荃灣上應該差唔多, 可能比call van貴少少, 可以試吓........我諗
墨西^u^ : 都啱嘅, 但佢地笑住講, 感覺有d 古怪
, 我都覺得街的係咁, 無理由call的同call van d 司機可以識多咁多路又唔會行錯嘅 
牧牧 : 佢地仲整理緊你地嗰批面試狗狗, 我諗好快有消息, 希望牧牧可以 做到啦.
王玉 : 可能我尼幾年call太多次van 同的士啦, 真係好明顯有兜路, 因為青衣得兩條橋, 一條入青衣南橋去碼頭, 一條荃灣入北橋去市中心, 真係好難會錯囉. ..... 有d好嘅司機事後覺得唔對路都會收番平d, 但更加多嘅街的係唔會囉. 佢地好鍾意話聽唔到我講野............一係就話我諗住差唔多.............
BoBo & QQ : 唔辛苦, 個個dr都好享受架
, 下次bobo要陪埋老公去啦.
BoBo & QQ 2007-08-27 20:08
金仔係八哥界朝偉唔係黎明呀
辛苦哂大家 , 希望下次可以搵多d DR 去幫手LA
王玉 2007-08-27 18:08
雖然我都對大部份的士司機都無咩好感, 但係講到路線呢樣野, 我會同情司機多d, 因為唔係每一個地方都有一條肯定短夾快的路線, 短的路未必快,快d到的路又未必短, 正所謂「條條大道通羅馬」, 有時行開某條路,真係未必知另一條路線會短d...呢個情況係熟悉的區分都會發生...再加上個人喜好的問題(好似我同我男朋友就算去同一個地方,都會行唔同的路線...有d人好似我咁,情願行遠少少, 都會選條路面比較少車少人的路)
其實的士司機基本上全港都去,咁多條路,仲要記入邊條線, 諸如此類...呢方面我係十分佩服佢地,不過淨係呢方面咯!
牧牧 2007-08-27 17:55
8哥界的劉華...??
點解我咁耐都未有消息o既...??
就算fail咗都要通知一聲嘛...
墨西^u^ 2007-08-27 17:24
有啲人雖然鍾意狗狗，但始終隻狗唔係自已養，所以對
清潔問題都未必好有信心...而且有啲喺鄉村養狗嘅人，會尤得
自己通山走，自出自入，同依家當佢地係一家人嘅狗主，心態上真係好唔同呢~! 始終病人有時可能會特別/過份小心嘅~
冇法啦~ 8折的之所以俾8折，無非都係想長做長有，所以服務質素一定行先...街的多數都冇下次，今次唔兜多兩兜仲等幾時呀？
COFFEE 2007-08-27 16:41
鐘意黎明個女仔我都好記得 , 既然八哥界劉華攪佢唔惦 , 下次唯有叫搵八哥界朝偉(金仔)試吓氹佢先得
有時見到你地將狗仔放上床 , 我都好擔心佢地會唔會唔like , 不過通常都見到佢地摸狗仔時好開心 , 我要好辛苦抱起coffee , 先可以俾佢地摸到佢隻手仔 , 所以帶細狗真係舒服好多 ;
我每次去荔景大樓都call車 , 因為我覺得上山段路都幾遠 , 搭的士仲要加五蚊狗仔 , 一定貴過call van , 不過call van就要等 , 我同coffee琴日走個時等咗大半個鐘先上到車呀
Nic Ma 2007-08-27 12:50
小吉 2007-08-27 10:11