搵食……宿十幾廿宵

大家好，我叫 Goofy，又名甩毛怪，你睇我兩隻眼發晒紅光咁，幾勁？！唔知係咪我太利害，我roommate 話要行開十幾日，要放假喎。(實情係去食意粉同瘟仔！)

本來我一心諗住可以襯機會同托托阿姨再續前緣，可惜佢紅顏薄命，家下佢屋企人仲好傷心，我都唔想人家見到我觸景傷情。

所以我roommate又幫我搵到另一主人家，響佢同事屋企暫住，原本打算今晚去視察環境 (據聞佢同事家中有兩隻hyperactive既史納莎)，但係大頭蝦既同事唔記得左今晚既約會，仲竟然同我roommate 講 : 我頭先同我老公講話你上唻睇下同d 狗夾唔夾，我老公問"乜兔仔都要既咩？" ……其實個兔籠我都係放響狗籠上面，我響屋企先會放你隻兔出唻，咁可以唔駛特登搵一日睇啦呵~~~？"

我roommate 家陣慶慶地，又好擔心我要寄居響一個冇記性、冇責任心同冇common sense 既人屋企，所以我roommate 叫我扮下可憐，問有冇兔友可以畀我暫住一個聖誕自由行喎 如果唔係我就可能要去兔協，不過兔協講到明唔可以自由行同唔會有機會同其他同類接觸喎。我呢d 大少嬌生慣養free 開架嘛，一諗起個兔籠就真係閉翳，唉~~~~~~~~ 睇下，幾細？！

你睇下我個老友呀大到收唔埋喇，仲唔做多d 運動點得呀？！

仲有呀，人地卷埋有成個排球咁大架嘛，籠喎，點住0者？！

請問有冇兔友可以幫到我goofy 仔呢？ 我d 脾氣係古怪d ，但係我都幾cute 丫

點0者？？？？？