天作之合

好開心呀!!因為今日係清秀同良的大日子呀!!祝願新婚愉快，永結同心!!雖然你們前面的路不容易行，但我相信天父的愛常伴你們左右，只要你倆同心禱告，祂        一定會賜福到你們家中，使你們與家人一生蒙主恩澤!!

話說今日都要返1/2day，攪到放工趕頭趕命食飯，沖涼，化妝換衫，仲要著新鞋刮腳，整到兩隻腳都起水泡，去到尖沙咀都要撘的士過紅磡火車站，仲要遲到5分鐘。好彩去到趕得切新人進場，睇哂成個婚禮完成。

最後，就係本人獻醜時間，就係同小組弟兄姊妹唱詩歌時間，真難為對新人同其他貴賓聽到我駭人的歌聲，但好幸運地其他弟兄姊妹實力雄厚，足以遮蓋本人聲音。否則，今晚有好多蕃茄、雞蛋加餸啦!!不過，我都希望透過呢次機會作出對新人的小小祝福!!