威威，你好嗎?

威威，你好嗎？返回天國慣唔慣呀，有無在天父身邊乖乖地做天上的好孩子呀？我好掛住你呀！不過你就唔好掛住我啦！！你要無憂無慮、開心快活永留在天國上面好好生活落去，因為你有天父愛護你。你記住要在天上祝福我，為我打氣呀！！為咗將來我同你他日在天國再見你，我會努力生活，誠心向主啦！！

因為我覺得係主，令我可以見到你最後一面，可以為你向主禱告，讓威威你知道和相信主的力量，好讓主保護你平安返回天國，無憂無慮得到永生！！

今日雖然放假，但我返左大陸做ｄ家事，所以今日無去到你門口同你講野呀！但而家我喺ｂｌｏｇ寫低對你的說話，希望你係天國收到我的心意！！同埋我今日事事平安，我諗應該係天父同你喺度祝福我！！感謝天父同你呀！！

晚上，我跟你媽咪傾過陣電話講關於你，同埋葬禮事宜，但其實我都唔太清楚詳情，因為之前未試攪過，亦希望會很耐以後先需要攪。所以，都好似唔多幫到你媽咪手。但慶幸得主的安排和幫助，竟然你媽咪遇到一個過來人，可以介紹人幫忙。真的再次感謝主的恩寵！！同埋你媽咪好似想安排你的告別儀式在屯門堂，希望用基督教型式舉行啦！！不過舉行日子，就要等你媽咪明天去辦你的死亡証後，排期火葬日期先知道。

我好攰啦！！而家要去沖涼瞓覺啦！！記得要在天上為你媽咪同屋企人打氣同祝福佢地呀！！ｂｙｅ！！