澳門之旅2009!

放咗一星期假, 無所事事湊bb! 睇住身邊朋友個個都去旅行, 我都好羨慕! 但係帶著bb, 想去旅行都唔得!!! 老公見到我咁, book 咗去澳門2 日1 夜!!!! bb 都係第一次去澳門!

第一站--- 威尼斯人酒店! 因為帶住bb 唔想太辛苦, 所以我哋中午出發! 去到澳門已經2點幾啦!!! 老公話佢未去過威尼斯人酒店, 所以就去行吓啦!!! 睇吓有幾靚嘛!

睇落又唔錯嘅! 藍天白雲咁, 不過個天唔多光猛, 好似天陰陰咁囉!

裡面已經有聖誕裝飾啦!!! 行到攰攰哋, 先記得原來我哋未食晏!!! 真係辛苦晒為食bb 喇! 嗰度多數都係名店, 窮窮哋嘅我哋只好去老麥食少少嘢啦! 但係估唔到...

原來老麥都可以咁靚!!! bb 好開心咁影相, 不過最開心就一定係食嘢啦! 佢差不多食晒啲薯條呀!!! 去觀光完啲靚嘢, 我哋就去食番啲好嘢啦! 老公book 咗新葡京嘅buffet!!! 有得食一定試吓啲生蠔啦!

不過好似麻麻哋! 你睇bb 個樣就知啦! 之後見重有啲時間, 我哋去埋漁人碼頭睇夜景!

bb 怕黑唔睇! 但係就夠膽咁囉!!!! 唉... 小朋友唔好學佢呀! 第2日, 我哋食完早餐就帶bb 去睇澳門嘅景點! 雖然我同老公都去過幾次, 但bb 就第一次嚟, 所以要帶佢睇吓囉!

佢都幾enjoy 0架!

咁難得行到上大山巴, 一定要影番張相啦! 落番山, bb 照相就自己posing 囉! 你睇...

佢鍾意3, 7 面0架! 唔知第時可唔可以做model 呢?

因為天氣好熱, 所以同佢去咗旁邊嘅博物館休息, 佢都好可愛咁樣喎! 跟住... 我哋就又食囉! 食咩????

鮑魚魚翅午餐囉!!!