晴晴既咳

晴晴既咳都仲未好,平時咳得唔係好犀利,不過一到夜晚訓覺既

時候,就咳得好利害,有時仲要咳要訓都訓唔到,所以見到佢真係

覺得好辛苦,已經有舊野吸架喇,但情況仲係無改善,所以今日決

定帶晴晴去荃灣"港安醫院"睇醫生,因為07年12月既時候同而家

既情況差唔多,上次睇一睇之後就好番,所以今次去左果陣睇醫生,

本身打算叫晴晴照肺,如果唔係咁好打算叫晴晴住一晚醫院,但

去到睇醫生,醫生話晴晴係氣管炎,只係屬於輕微,同埋喉嚨有少

少發炎,個肺好清,所以唔洗照肺,只係平時唔可以食生冷野同埋

冷氣唔好開咁大,比左D氣管藥晴晴食,醫生話無咩事既,唔洗擔心,

睇完醫生個心都定D呀,晚晚聽到晴晴咳得咁辛苦,我寧願自己有

事都唔希望晴晴有事,所以希望晴晴食完藥快D好番,今次睇醫生

又唔係好貴JA,只係睇左$464,私家醫院算係咁啦!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我今晚開始要返學喇,今日係第一堂,唔知會點呢?希望我可以快D

讀完書,咁我就可以好輕鬆好得閒,成日都可以同晴晴周圍去玩喇!