中山溫泉之旅~09 (2)

鏡頭一轉,

已經到左我地要開餐既地方lu,

呢餐係食客家菜,

d野都係比較油,

因為團餐既關係,

所以我都無影相~~

食完飯就周圍行下影下相!!

食完飯到下一個景點,

呢度主要係賣茶葉,

仲要d價錢都幾貴架,

所以我地睇下算喇,

再出發去食生果,

呢度既菠蘿同木瓜係任叫任食架,

不過我只係食左少少咋,

因為岩岩食飽飯,

仲邊有胃口喎,

晴晴仲要一舊都唔"吼"添呀,

掛住周圍跑...

之後仲有d時間,

所以我地去左揼骨,

RMB 90 有120mins,

晴晴就係張"鄧"度訓覺,

我地有我地揼,

真係舒服呀!!!!!!

揼完骨5點幾就準備去食晚飯喇,

呢餐d餸都好好食呀,

晴晴比我地迫佢食多d飯,

如果唔係一陣無力玩水架,

所以我地要佢食多d飯!!!

返酒店lu~~~~~~

呢個係晴晴最期待既時間,

因為跟得團預左佢會帶你去買野,

聽人講野果陣晴晴都好乖,

都無扭計,

所以我地會同晴晴玩盡佢~

環境非常之靚,

個浴缸夠我地一家三口一齊浸添呀,

仲要我同顏生都係大size,

可想而知個浴缸有幾正呢,

我帶左滴露過黎洗浴缸架喇,

所以可以放心咁浸呀!!!

出去出面浸左2個鐘,

返到酒店裡面又浸左半個鐘,

真係舒服曬呀~~~

我地自費叫左隻"乞衣雞"

隻雞都ok啦...

之後晴晴又話好肚餓,

我地又搭車出去食宵夜,

果陣已經十點幾喇,

叫左d粥、小炒...

食完之後拿拿聲返酒店,

原來晴晴唔係肚餓,

佢見到果度有三輪車想搭,

所以就話肚餓...

比佢激c呀!!!!

整好野都成十二點半喇,

我地拿拿聲上床訓覺喇~~~~~~