晴晴既學習

尋日顏C9一放工即走,

咁岩又有小巴,

所以比平時早返到屋企,

返到去見晴晴仲未訓覺,

同晴晴傾左一陣計,

晴晴呢個星期學習"家庭"

呢個TOPIC係講爸爸媽媽點樣有BB,

估唔到學校咁快就教性教育,

不過晴晴又好似明白咁喎,

晴晴返屋企問婆婆,

點樣先會有BB架??

婆婆話我唔知喎,

你知唔知呀??

晴晴就話:精子同卵子結合,

精子就好似科斗咁游水,游呀游...

最快果粒精子游左去卵子度就會有BB,

有左BB要十個月先會出世架!!

我同晴晴講:你咪就係最快果粒精子囉!!哈哈~~

晴晴:好野,我游水游得最快!!!(開心到跳起)

小朋友真係好天真呀,

同晴晴傾呢個話題完全都唔會有"監"尬既情況出現,

小朋友真係好快樂,

呢個話題係因為陳老師有左BB,

可以等呢班小朋友知道BB係由邊度黎~~