網誌分類：＊”～晴晴記事BOOK～”＊ |
晴晴真係好攪笑,成日講D野出黎真係笑爆咀呀!!!!!!
1. 晴晴同婆婆講:婆婆我呢排肥左呀
婆婆:點解你會覺得自己肥左架?
晴晴:因為我摸自己塊面多左好多肉,所以我咪肥左law!!哈哈~~~~~
2. 有一日食緊飯,晴晴話我好飽呀,
婆婆話唔得呀,要食曬佢呀!!!
晴晴即刻話唔食喇,再食我就好似媽咪咁肥架喇~~~hehe!!!
3. 有一日我同晴晴檢查功課,我見到晴晴畫左爸爸媽媽,
我:晴晴點解媽咪個身咁大既?爸爸個身就咁細?
晴晴:因為媽咪肥過爸爸,梗係要畫大D啦...
我:
4. 我:晴晴你鍾意媽咪多D定鍾意爸爸多D呀?
晴晴:如果你唔鬧我果陣我就鍾意媽咪多D。
我:媽咪因為晴晴唔乖先鬧晴晴MA。
晴晴:我都係鍾意婆婆多D呀,因為婆婆唔鬧人架~~
我:下!!婆婆成日都鬧你架喎。
晴晴:我唔怕,你地鬧我我就會叫獅子黎食左你地,咁就無人會鬧我啦!!
我:暈喇~~~
係日常既生活中其實有好多開心好歡樂既趣事,只要我地突然回想,
就會發現幾咁開心,會心微笑~~~~希望大家都可以笑一笑,世界更美妙呀!!
照片 178..jpg
照片 177..jpg
照片 176..jpg
心園 2009-10-09 18:54
我記得晴晴再細個時已經好搞笑, 她說話好有道理不過 ! (例如 : 陳老師問晴晴可不可以帶她一起去玩, 晴晴答 : 我要問下wor ! 幾有性格 ! )這件事是mami有一次告訴我, 我一直都記得呀 !
＊”雪晴”＊2009-10-09 19:29
般若心園 2009-10-09 12:38
哈哈 ! 晴晴語錄面世啦 !
心媽也很喜歡幫心心做 <心語錄> !
其實我們多留意，真的會發現小朋友不只想像力和創意很好，而且好鬼 "真誠" - "媽咪，你開始老啦 !" - 這是心心近日和我說的 ! 好鬼坦白 !
晴晴媽好好呀 ! 把晴晴的趣事紀錄下來，特別她的語錄 ! 我有個計劃把小朋友的有趣語錄記下來，將來集成一本書，應該很受歡迎 ! 就算不會出版一本書，將來給長大的女兒看也好啊 ! - 順便可以在孫兒面前笑一番呢 !
＊”雪晴”＊2009-10-09 15:42
晴晴語錄其實我一直都想打架,不過有時又記唔起咁多好笑既野,所以我一記得就會MARK低佢,等晴晴大個可以睇番,有時晴晴彈2句出黎,會笑到CC下,雖然其他人可能會覺得無聊,不過我覺得好攪笑同好串呀!!
好呀!!就算本書唔出版,不過我地D家長睇到都已經好開心,又可以做個紀念~~~~~