奶皇糯米糍

2009年7月11日     打風呀

今日晨早起身,

其實放假想訓耐d架,

不過比婆婆既電話嘈醒左,

之後煮野比阿妹食,

我就係度整奶皇餡,

上網去左睇人地既blog,

見到都唔係好難整,

不過整完出黎我唔係咁鍾意,

好大陣椰奶味,

攪到無咩奶皇味,

之後去整埋糯米糍個皮,

因為個餡已經勁椰奶,

所以個皮我用鮮奶整,

出黎既效果唔錯,

今次我用多左粘米粉,

不過個皮都係唔煙un,

同埋唔夠甜,

之後顏生放工返黎,

已經打緊3號風球,

不過又無咩風同雨落,

所以我地4點出門口去bbq,

哈哈~~估我地唔到呢?

打風仲去bbq?

因為咁先大風呀,

非常涼爽,

燒得十分舒服,

我地成日都會做d大家諗唔到既野,

其實bbq係我提議,

我去想去,

雙子座既人就係咁,

諗到果樣野就一定要做,

無論環境幾唔適合都好,

只要諗到都會堅持,

不過只係得3分鐘熱度,

呢個就係我既性格,

所以顏生成日都有好多surprise,

之前整左個cheese cake比顏生,

雖然佢未生日,

不過已經就黎比佢食曬喇,

佢話我地以後都唔洗出去買喇,

話我地自己整得喇,

因為真係好鬼c好味,

個樣似New York Cheese Cake,

好味到唔洗一日就差唔多比佢食曬

p.s 仲有唔洗4個鐘顏生就生日喇,

又大一年喇,

噢!!好快變老餅lu~~hehe!!