小學同學當年係飛仔,依家做左懲教主任

大家都離開左學校咁多年, 真係無估到20幾年都會再見到!

其實我同其中1個間中都會見概, 因為佢阿媽同我阿媽係朋友, 有日我呢位小學同學話約左以前D人出黎聚會wor, 咁本來我都唔得閒, 但我覺得畢業左20幾年都無見, 點忙都要抽時間啦!

雖然當晚得5個人, 但我真係好開心架, 因為大家有機會再坐埋一齊! 令我好驚奇係當年係學校係飛仔一名, 日日打交為樂概同學仔, 依家竟然做左懲教主任!! 佢話上左中學頭個2年, 都無咩轉變, 但中三個年佢覺得讀唔成書, 自己可以做得d咩呢? 自己有幾十年捱, 老豆已經夠無用窮啦, 唔通做仔又係要咁窮咩?! 之後佢重讀中三, 一路都好勤力好辛苦咁樣捱到中六, 出黎第1份工係銀行做, 不過太悶了, 不如考紀律部隊, 政府工, 唔怕比人炒, 公司唔會倒閉! 怇當年想考警察, 不過屋企唔比, 因為怕危險, 之後佢就去考左懲教了, 依家佢就註守港島區某懲教院所.

所以我成日都話我個新同事, 你個仔依家係好唔聽話, 不過唔緊要, 大個左佢識想就自己會乖架了!