初試我支新既鏡天涯鏡

之前一直都係玩大光圈人像鏡同wide鏡, 一直都好想擁有一支tele鏡, 因為依靠dc機zoom 出黎既質素始終有限, 考慮過原廠既70-300 vc, 不過考慮都要戶外換鏡同重量問題, 所以都係放棄o左, 退而求其次, 考慮到天涯鏡, 睇中Sigma 支18-250 OS同Tamron 18-270 VC, 不過係網上睇完一大堆討論區, Sigma有HSM, 對焦快靜準, Tamron 有較強既vc同marco, 同Zoom遠小小, 輕小小.

到最後都係決定o左買Tamron.



星期日一早, 即刻同初玩相機既朋友仔Tony去o左濕地公園影相, 試下支新鏡, 朋友仔就用LX3影景, 支鏡既Zoom range都幾合乎預期, 唔講得可以Zoom得好遠, 不過都算幾夠用 (當然唔係用佢黎打老遠既雀仔啦!! 遠遠都可以唔夠)







打完雀, 去泥灘打下蟹仔先!!





嘩!! 有鱷魚呀!! 快d上岩呀!!!





打既野越來越細, 考驗下支既鏡既Marco功力, 不過以下內容可能會令怕昆蟲既朋友仔不適, 小心小心!!

 






支鏡既Marco功力唔夠, 比我支人像鏡還弱....

由於時間尚早, 我地食過午飯後轉戰南生圍.






呢位老外就係我快中毒既朋友仔Tony. 佢既命運將會同我一樣~~ 哈哈!!
今日天氣唔多好, 加上個風黎緊, 多雲, 大煙霞, 所以影o左好少相就回程啦...



玩o左支鏡一日, 有好有唔好, 好既就係我好多時都攞盡270, 出黎既效果都比預期好, 未有長焦距天涯鏡問題, 鬆散程度可接受, 避震能力同forum講既一様, 係可以完全freeze o左個object!! 真係好野!!~~ 不過暗既環境未試, 不過暗既環境都唔expect靠個vc, 都係要用高iso或者用脚架架啦...

最令我失望既係係18段既紫邊同變形問題嚴重, 真係令D相完全失色, 網友提議细光圏可以改善紫邊問題, 盡管可以一試... but期望唔太高, 反而有興趣睇下sigma個支會唔會有相似既問題... 真係要再上多forum幾轉先..