多謝你

今日天氣多雲, 毛毛雨.... 沒有生氣既一天..

走入火車車廂, 發現前面都係一班年輕少女, 有D拿著食物盒, 有D手寫著字條, 我偷望了一下, 上面寫著[喜歡你讓我哭...愛你一生一世.] ~~~~~~嘩, 咁變態.
哈, 原來係寫緊情信..皆因今日係2月14情人節. 佢地係date o左男朋友仔出街!!~~ 好開心既一日呀, 同今日既天氣完全唔match呀..

一向唔重視情人節既我, 從未為呢一日慶祝過. 當我同阿Ming 講起人人有飯盒既時候, 佢突然係袋中拿出一個紙袋. 令我好突然..

原來係佢自己做既愛心朱古力!!! 好surprised呀!!! 真係做得唔錯!! 好好味!!
沒有準備既我有D內疚感, 真係好似差o左小小.........無D表示..


平日寧靜既Discovery Bay海岸, 今日都變o左好似行星光大道咁.


原本兩個人想係呢度靜靜地咁過, 都睇怕幾難啦....




佢地都係一對對咁入黎過, 貪呢度夠浪漫.


一個個燭光圍成既心形, 夜晚坐係度一定好正..






返返入市集, 竟然有馬仔騎!!


好歎呀佢...






用o左呢支定焦大光圈鏡, 效果好正!! 真係一用著迷!!


之前都有睇過呢度d 餐廳, 想book, 不過最後都book 唔成, 黎到都已經full 晒, 唔洗睇, 平日weekend入黎幾好, 唔太貴, 又有disney煙花睇, 環境真係一流!!


全部餐廳都做緊情人節套餐, 不過我地到最後都係出返去食dinner.
今日好有情人節氣氛, 雖然我同阿Ming過得好平淡, 不過卻令我發掘到阿ming既一個優點.都算唔錯呀!! 係屈就o左佢小小姊~~ 哈哈!!~~