青衣回歸徑

今日去o左青衣行回歸徑, 係一條可以好輕鬆影下相行下做下運動既山徑. 中午食過飯後, 由長康村出發沿青衣西路行, 就可以見到青衣自然徑入口啦!

我地今日既路線將會係環山路行, 途經觀景台1,2,4. 有時間先係埋觀景台3啦! 妍終點係長宏村.

沿途既路都好靚好好走, 好快就行到幾百米高啦!!

回望長亨村一帶~

好似玩具巴士店既模型呀!!~

(觀景台一) 呢度既每個觀景台都有呢D綠色涼亭同空地比人休息下架.

不過要小心唔好走出崖邊, 如果唔係, 就可能會好似佢咁!!~~ 呀!!!       

(其實係平地,  好無聊)

你睇條路直到佢~ 根住到o左觀景台二, 走入小徑再走入木林.

黎到深山, 一定要耍返套劍先, 你睇!!~ 天外飛仙...仙.....仙........仙............仙~~

你睇!! 原來佢D輕功都咁鬼勁架, 見樹過樹,  我吒!!!

返返黎先, 穿過木林, 就可以見到我地既清馬大橋啦!! 夜晚係度影一定好靚!!~

再行多一會就到o左野餐區, 好多人一家大細上黎野餐架, 對住個靚景食Tea, 真係特別有Feel~

我要食埋條橋佢~~~!!! 癲o左

我地skip o左觀景台三, 因為唔想太遲落山, 向觀景台四進發

途經可遠望汀九橋~

觀景台四就係回歸紀念徑亭

有石碑記錄回歸徑由來.

我地之後就落返長宏村完成o左今日既旅程, 好輕鬆, 行下影下玩下兩個鐘攪掂晒, 不過我地走既時候有好多人上山, 佢地都拎住一部部單反機同腳架影夜景, 真係開心, 唔知我幾時先可以擁有一部呢~~