funny eyes真係唔知點表達，用起哂鋼既眼神去裝備自己，再唔係用啲懷柔既眼神去氹人就多，用好nice 眼神去同人接觸，唔係怕比人誤會，就怕比位人入，總之係社會處事越耐越沉淪，kearen問我覺得自己有無funny eyes ，我唔知，不過去玩果陣就一定有，亦都因為咁所以我好鍾意去旅行放鬆自己，我有個好友既太太話我每次一講親去旅行，啲眼神就成個細路咁，我想那一刻的我應該有funny eyes .
我雖然唔知自己有無，但我都會分到人地有無，係遊戲中會發覺好像越年輕的越容易掌握，會發覺有啲人既眼神只係係我臉上滑過，有啲我係會收到佢地既眼神，無形中會同呢類人親近啲，亦有啲係好緊張，係心裡面我好渴望佢地既funny eyes ,因為我覺得人係可以互相影響，係呢個堂裡面應該放低護甲，心裡面俾多一啲positive既能量．
其實真係好耐無放鬆咁玩遊戲，雖然係家庭聚會也偶一為之（我細佬有很多唔同既遊戲俾我地玩），但係唔會好似宜家咁每星期去玩，係遊戲裡面會發覺一大班唔同既人，係唔相熟既情況下都可以玩的好開心，只要你肯去放鬆肯去投入．
當然都會有啲遊戲我係投入唔到，好似第一堂既（搶老婆），我唔鐘意個名囉，搶乜鬼願者上釣，如果要走呀唔該快啲．ｈａｈａ
仲有一個我無咩玩，但係睇得好開心，遊戲係２個人構成一個畫面，之後留低一個，咁大家就發揮想像力，擺返一個形態加返之前既一個人又構成另一個畫面或者另一個故事，跟住留低新加入既舊既離開，如此不斷咁去伸延，有好多想不到既畫面故仔不斷創作，我睇得好開心，我真係一個好觀眾，因為我剩係睇只係參與左１個．
ｐｓ：我啲酒肉朋友，熟既就知我一向鍾意睇ｄｒａｍａ，我參加了ｋｅａｒｅｎ既工作坊，幾好玩架，你地其實應該考慮下ｊｏｉｎ我去睇．
小夜 2009-07-14 02:45
米米 2009-07-11 17:50