陪我度過少年時代既流行音樂.....

係上一篇網誌提過，小弟對現時本港流行音樂文化真係無乜認識，一年里面既新男歌手，女歌手最少都有十個，根本無辦法認得出邊個打邊個。

手上仲有兩篇Crosscountry報告未寫，如果整理好手上既照片再寫既話，相信要最少兩個小時。 不過手頭上無咁時間，因為Calculus既assignment又要交喇，而家仲係度趕緊工。

不過，突然間心血來潮上寫下當年係香港陪我度過小學高年斑，以及中學時期既香港樂壇。

身為一個80年代出世既人(80年代最後一年，最後一個月)，對於90年代初既四大天王當然耳熟能詳，不用介紹。
小時后既我跟外婆居住，每當周末既時后，姨姨就由大學宿舍回家。每當晚餐時份，勁歌金曲既音樂隨隨響起，姨姨由開大聲量聽歌。
當年隨左四大天王之外，鄭秀文，黎瑞欣，周慧敏等等都係好"hit"既歌手。
但係當時只有幾歲既我對這些流行曲非常討厭。

到96年既時后，第一首喜歡既流行曲應該係古巨基既"友共情"，之後古仔就好少見，直至零幾年佢既復出。

到98年，就有楊千嬅，梁漢文，陳奕迅，亦係所謂既"華星年代"，最記得有首歌叫"大激想"，可口可樂既廣告歌，就係佢地三個合唱既。

http://hk.youtube.com/watch?v=CPzPZR8rFnQ

係呢個時后開始對流行曲曾遍接受。


到千禧年代，MP3機既興起，就更經常聽歌。記得MP3機未出現既時后，我用細錄音帶係speakers前面錄音。
升到中一既時后，Twins既出現就令當時既小學生同中學生都迷上佢地既歌聲。 當年Twins出到前，好似有另一對二人女子跳舞組合，不過無幾耐就解散左。

再之後呢? 有咩2R，cookies等等既組合。當年既"新"男歌手只係記得有個張敬軒，女歌手就關心妍，其他咩都無乜印象。

當年Twins同cookies既歌聽得最多，其次就陳奕迅同楊千嬅....

就係呢斑歌手陪我度過左18年既歲月...