部電腦終於好番喇~!!!            

大病過後..佢終於康復..好野

好耐都玩過電腦喇

有好多野想講,想寫.....想講,想寫

呢個月黎..好似未停過咁......番工...跳舞..番工

由邊到講起好呢..好多野發生左..有開心&唔開心

今日...23/7終於停左喇....

好想快d 去玩過痛快....好想去長隆既水上樂園玩..之前係街到攞左大航既宣傳單張

加埋無線個節目..真係勁想去呀

希望今日暑假去到啦

今日...24/7....雖然暫時係放假,但係我係屋企好悶呀

部電腦又被我阿妹霸左..攪到成日行行企企好無聊

到夜晚...出左街食飯.....因為屋企買左個新既煮食爐....要扎個桔日先可以用

當"新入火"

今晚去左八號花園元綠隔離間餐廳到食飯

佢d咕嚕咕嚕肉又真係幾脆既...

個通菜又好好味..但因咩解究佢會用咁個大個煲黎裝少菜呢??

部電腦以d相唔見左部份...>.<

17/7~23/7.....書展日

 完左之後....就番書展了                                          

                                    我既工作證~

呢一個禮拜就係咁過....                                                                                

識到D新同事....Hidy ,pinky and shandi                                                           

佢地都幾nice..

好開心個次pinky 特登留左部報紙俾我睇呀^^謝謝您

一到食野時間我地就好開心..因為$18 外賣..有3 樣..好抵同幾好味

間野叫做"好煮意"..所以如果下次番會展的話我一定會再叫..下午茶到9:00

我已經寫低左個外賣電話.....

                      份meun ,好多選擇

講下d同事啦~

hidy 佢有一點似我.就係唔較到最遲個刻都唔到..哈哈

佢仲借左本張小嫻的新書被我睇..個名叫做......"總有愛我的一天"都ok....thx!

仲有shandi 又買左好多雜誌..攪到我地呢個星期吸收左好多娛樂知識

仲有我地個counter前面個個x 出版社有個 "拿型"成日著住條緊身褲...又瘦..仲著左幾日=.=

           我地個counter 前面

                                                                                                                                               尚書房d書好平架~

個電工有時過黎傾兩句..問長問短咁

我今次仲見到Singol &井..不過冇叫到佢地

好靚既夜景~

最記得有一晚我放工撘船走....個夜景真係好靚好靚呀!!!....咁靚我都係第一次見 ja~

仲有埋少少煙花....遺憾的係冇帶相機...

撘船真係幾舒服,又可以吹下海風...

後記 

最尾個日番工..當我趕時間行緊條天橋既時侯

有個男仔係後面拍我膊頭...跟住同我講: 小姐, 唔好意思, 請問有冇嚇親你?..(少少啦)

我問: 做咩事?

佢就講左一大堆野....冇咩留意..因為就遲到

內容就係大概係想揾十男十女幫一間餐廳介紹佢地既食物同裝修

我話趕時間..跟住佢話一路行路講

叫我留個電話俾佢...我就留左

第二日晚佢打黎....叫我上去佢間公司填番d資料....佢係咁死纏爛打..

第一..我未知呢間公司係咩來頭....可能係困人的...騙局..好似警訊入面既主角

咁我就係咁易約左一個時間..

我番屋企上網.....睇下呢間公司既資料..

被我揾到呢間公司係之前某某騙人製作公司的前身

仲睇到好多受害者的經歷..哈哈

我當然唔會落撘啦...就放佢飛機!!

七月點滴.........明天再續~~