難得唱下K.....

難得公司同事叫我去唱K，本來諗住唔去，因為驚第二日要返工無精神，不過後尾先知原來係同公司同事 -----〈Charles〉預祝佢哋Birthday，所以點都要出去坐下啦！況且佢做埋下個月又走，都無機會再一齊出去玩架啦！〈又少咗一個人陪我Msn，真係可憐呀！〉

我成十點幾先去到，Alan已經喝到有少少不醒人事啦！一開門就見到佢瞓咗覺，跟住見到Gary、Charles、亞信一齊玩緊，佢哋不停咁飲，我真係佩服佢哋呀，好似唔識醉咁，哈...哈...哈...我Lee個小朋友都怕咗佢哋，我都無佢哋飲得咁癲，費事第二日返唔到工呀！哈....哈...哈....係咁易飲咗兩、三杯，跟住十二點度，就閃啦！

返到屋企落埋粧、沖埋涼，差唔多兩點先瞓！

攰死人哋個女呀.................