新手上路

發現好耐都冇寫 blog 啦 ~ 要再寫返先得 ~ 大家又知唔知點解我冇寫 blog 呢 ? 

原因一 : 掛住玩 facebook !

原因二 : 有兩日返左上大陸 !

原因三 : 老公買左新車 , 晚晚迫我揸車 , 要我揸熟晒 !

其實 , 我根本唔係揸車既材料 , 係20歲果年考到車牌 , 之後一直都唔太敢揸車 , 對上一次 ( 好耐之前 ) 揸老公架 掍波貨van 最遠都係去到 ma on shan !! 之後一直都冇再揸過車 !!

由上星期四 ( 即10月8日 ) 我開始從新學揸車 , lee 次唔係掍波貨 van , 係未揸過既自動波私家車 BENZ !!

第二日 ( 10月9日 ) , 由老公帯領以及鼓勵下第一次由沙田出到去大埔再入大圍之後返屋企 ! LEE一日既感覺好好 , 都開始唔討厭揸車 , 雖然有D壓力 , 但我都要克服 !

第三日 ( 即 10月10日 ) , 今日我四圍遊 , 入左 Ma on shan , 之後去左大圍 , 沙田 , 感覺都是好怕囉 !! 入線真是好難呀 , 回旋處好難出 !! 真係考起我 , 我還要更努力 !!

第四日 ( 即 10月13日 ) , 今晚係老公既強迫之下 , 胆粗粗由沙田出旺角 , 仲第一次入 ( 獅子山隧道 ) , 嘩 !! 緊張都不得了 , 但總算是完成任務 !! 而且得老公既鼓勵下我心情都好少少 !!

第五日 ( 即10月15日 ) , 今晚又出左去 , 但小朱冇再好似之前幾日咁帯路 , 我特別緊張 , 全晚都冇放鬆到 , 而小朱都冇好似前幾日咁好心機咁好耐性教我 , 而我今晚都冇咩心機去揸車 , 可能沒有鼓勵以及少了一點信心吧 !! 畢竟我都只是第五日的經驗吧 !! 而且路面經驗不足既我 , 沒有你帯領下信心盡失 , 緊張得要命 ! 而壓力大到不得了 !

其實我是努力去學習過 , 只是緊張了點 , 或者你下一次再比多點心機加耐性 , 再加一點點讚賞會更好 !! 雖然我有近6年車牌 , 但全是新手上路既我 , 是由頭學起的 , 不可能只是5日就會成功 !! 我一定可以做到自己一個人都攪得掂 !! 但比D時間我去學學以及領略吧 !! 終有一天我可以接你收工架 @@ 要比D信心自己 !!