再見''MSC10309''...

07年11月5日入職.

09年11月5日辭職.

剛好2年

原本可以早少少辭職,以便到新公司熟習運作,但基於想有個易記既日子留念

所以選擇了呢一日(真無聊...)

另一原因係想俾自己再諗真啲呢個決定係咪啱,係咪真係適合自己...

當初入嚟既原因係唔想再受一般工作上既壓力(e.g.跑數,追單,做貨,見客,奉承等等...)

可以話係逃避...先至選擇呢份輕輕鬆鬆但前景5明朗既工作

唔經唔覺每日開開心是是旦咁就2年

有時會諗...再咁hea落去唔係辨法,况且我又唔係4,50歲等退休

以而家呢個年紀繼續留底又好似早咗啲唔係咁適合

反正十年後再入過嚟情况都會係一樣

同埋公司現行制度又令員工大失所望...有能力揾過份好啲既都已經走咗

咁啱之前出去OnHire既其中一間公司現擴充營業好想我過去幫手

難得有個BOSS咁重視自己,自己真係想回報番呢份心意

種種因由促成今天重新出發既決心

咪當趁自己未老體能仲應付到時俾多次機會自己試吓囉

終於要走lu...

喺呢度真係学咗好多嘢...由初初連footbrake点解lock,keyless啲豆豆呀,牌牌唔知點用...

吓吓入波都要''望''住去揾咩波段...泊過L位S位要扭成10幾手...

到而家跳上去2秒唔駛已經''標''到老遠,泊位更加係咩車都3手以內

重有就係之前份工P2P関係,雖然去勻全港,但一唔係慣常走法亂咗路線就會蕩失路...

所以喺呢2年咩都有既畸喱order特訓之下...啍哼...並5係自滿

香港島''一定''5使地圖,九龍就熟7成,新界6成!!!有邊個業餘driver夠我勁!!!哈!!!!

走咗之後既生活就再冇咁多姿多采lu...

接觸唔同牌子,唔同型號既車...任務次次唔同次次新奇既order...

去碼頭pick up,跟住同班傻佬喺龍翔道100以上左穿右插死飛爛飛,跑第1之後爭位座...

每次做完嘢之後既''私人時間''...喺1樓''榕樹頭''開大會時你1句佢7句...

重有好多好多...不過數到最唔捨得既

係同同事間不知不覺加深咗既感情

冇咗你哋我相信呢2年一定冇咁快樂,時間一定冇咁易過

所以容我講聲:你哋真係好正呀!!!!!

最後

有啲心底話想同''妳''講

一手帶我入嚟...爭啲可以叫聲妳做''外母''既人

到最尾我始終都無辦法面對到妳...

情况就好似妳唔能夠面對妳前夫同佢一家人一樣

雖然妳曾經同我講過唔介意任何事既發生

但當妳身為當事人既話就會明白嗰種痛既感覺

尤其係呢2年嚟每當撞到妳見到妳笑時個樣...

心裏不期然投映咗妳哋而家成家開心時既景像...

亦諗番起我自己曾經係男主角同妳哋一齊既往事

...

點都好

過去既已經過去

而家我有既

只剩底一份內疚

對妳...唯有喺度寫底最後既心意

希望妳能知道

女俠

THANK YOU & SORRY...

我真係一個好冇用既人

...