玖月之壹(09)

終於做完晒所有嘢

放底啲同事後望一望錶

已經10點有多...

反正都夜

將車泊埋一邊

將司機椅背位稍為拉低啲,攪低車窗

點起香煙

望着寂幕的街燈...深深噴出疲憊的煙圈...

因為同事感染流感需自我隔離関係,喜歡工作(?)的我自告奮勇頂埋佢手頭上既job

所以整整一星期多也是過著0800-2300的生活(完全同6483到達人車合一既境界...)

以上只是在公司裏的時間...還未計返工放工及在家裏的''僅有''私人時間...

所以...直到現在也是很''眼訓''的

所以...直到現在都未有時間寫心事的

所以...直到現在都未有時間正式去拖住您手的...

sorry...

関於您

從未想過真係會有呢一日...成日喺度諗呢個從來都會只係個單戀既故事

唔會有good end...唔會有將來...

有既...只會係''夢''一個...一個自high既夢...

但有一日

突然得到您既思念...突然得到您既承認

講真...有啲殺我一個措手不及...

開始時總係令人迷惘

尤其我呢種唔會再容易去投入感情既人...(咁點解又要去''辣''人呢又?...)

現實啲講應該話...工作咁忙咁長時間

係咪真係可以兼顧到另一個人

會唔會再好似以前咁重覆犯錯呢?

...

心裏

相信着一個道理

所謂理由既理由其實根本就唔係理由

有既...係呢個人究竟對你有幾重要,會有幾重視

當發現後...自己就覺得好多嘢只不過''事在人為''

...

要更加更加去努力先得哩...

但突然間又因為''泡菜國事件''令一切情感突然剎停

真係開始得有啲多災多難feel...

話雖如此

等咗咁多年經歷過咁多,我相信自己呢份感情唔會係假(唔係都唔揾佢啦!)

今次又係一個考驗呢...

希望可以渡過呢個信心危機...

然後與您攜手共渡未來啦(可以既話)...

最後

寫blog前得知証實跌落山既男人身份

有啲令我唔敢相信係事實...

腦內突然見到

一向人細鬼大既小新眼肚內含着豆大般淚水

向着已不再打開的大門低聲嗚咽着

''爸爸...你幾時返屋企呀...''

請安息吧

曾帶給大家歡樂的人

...